Superman ch'est un super-héros ed binde à dessinaméritchaine apartenant ach monde imaginoaire ed l’Univers DC. Ch’ parsonnage-lo il est considéré conme eune icône cultchurelle améritchaine[1]. Il est habituellemint vêtu d'eune combinaison bleus pi rouche moulante, marquée ed sin logo dseur ch' torse, pi d’eune rouche cape.
Superman
Simbole ed Superman.
Cosplay ed Superman.
Idintité
Nom d' néchinche
Clark Joseph Kent, né Kal-El
Alias
Superman
Origine
Krypton
Famille
Lois Lane (feume (Pré-New 52) Jon Kent (fiu) Jordan Kent (fiu) Val-El (arrière-arrière-grand-père, mort) Ter-El (arrière-grand-père, mort) Charys-El (arrière grand-mère, morte) Seyg-El (grand-père) Daron-Vex (arrière-grand-père) Nyssa-Vex (grand-mère) Jor-El / Mr Oz (père) Lara Lor-Van (mère, morte) Jonathan Kent (père adoptif, mort) Martha Kent Tal Roh (demi-frère) Zor-El (oncle, mort) Alura In-Ze (tante, morte) Kara Zor-El (Supergirl, cousine) Dru-Zod (oncle) Kon-El (clone partiel, « fiu ») Jon Lane Kent (fiu) John Henry Irons / Steel Natalie Irons (fille d’ John)
Caractéristikes
Espèce
Kryptonien
Taille
1,90 m
Cavieus
Tipe frisé, noér
Ius
Bleus
Pouvoérs
Invulnérabilité, capachitès fisiques pi vitesse quasi-divines, sins dseurdév’lopés, capachitè à voler, tir ed rayes termiques pèr chés ius, super-souffe, super forche, induranche, résistinche, longévité pi intérligince dseurumaine
Relacions
Affiliacion
The Daily Planet, JLA
Ennemi ed
Ennemis ed Superman
Autes informations
Crée pèr
Jerry Siegel Joe Shuster
Intarprété pèr
Kirk Alyn George Reeves Christopher Reeve John Haymes Newton Brandon Routh Tyler Hoechlin Dean Cain Tom Welling Henry Cavill Nicolas Cage David Corenswet
Voés
Emmanuel Jacomy Emmanuel Curtil Pierre Arditi Hervé Bellon Adrien Antoine Thibaut Lacour Marc Arnaud
Films
Superman Atom Man vs. Superman Superman et les Nains de l'enfer Superman Superman 2 Superman 3 Superman 4 Superman Returns Superman 2: The Richard Donner Cut Man of Steel Batman v Superman : L'Aube de la justice Justice League Zack Snyder's Justice League Black Adam The Flash Superman
Créè in marche 1933 pèr ch' scénarisse améritchain Jerry Siegel pi ch' dessinateu canadien Joe Shuster alorse qu’is habitoétte tous deus à Cleveland, ech parsonnage o tè vindu à Detective Comics. Il aparoait pour l'prumière foés dins un Action Comics in join 1938[2]. Ech parsonnage est insuite érpris dins pusieus pièches radiofoniques, émissions ed télévision, films, comic strips pi jus vidéo. Ach vu dech succès pi del notoriété ed ses avintures, Superman est essinciel dins chele créachon d’un ginre prope à chés super-héros.
L’apparinche dech parsonnage est particulièremint iconique : un costume composé d’un justachcors rouche, bleus pi gane, ed collants pi ed bottes moulantes, d’eune chinture, aveuc eune cape pi dseur ch' torse, ech dessin d’un rouche ‘S’ dseur un écu gane[3]. Chole écu est maintnant grandmint souvint utilisé pour simboliser ch' parsonnage.
Chele propriété légale dech parsonnage o té sujette à granmint d’ controverses. Siegel pi Shuster ont pèr deus foés intinté un prochès pour in récouer chés droéts.
Superman il o popularisé l'arkétipe ed super-héros pi défini ses convincions. Il est in éfet ch' prumier parsonnage ed super-héros à avoér té créè. Chés super-héros sont généralemint jugés in fonccion ed leu ersananche aveuc l'norme établie pèr Superman. I resse ech super-héros ed bindes à dessins ch' pus vindu ed tous chés timps, pi s'franchise est eune d'chés pus lucratives meume in dehors d'chés bindes à dessins[4].
Ech développemint ed Superman comminche in 1933. Jerry Siegel pi Joe Shuster ont 17 ans pi is sont camarades ed classe dins eune école à Cleveland in Ohio. In jinvier, Siegel écrit eune histoère courte, illustrée pèr Shuster, intitulée Ech Rènne dech Superman, éq Siegel publie dins sin fanzine, Scienche Ficcion. Ech protagonisse est un vagabond lonmé Bill Dunn qui obtint grache à eune drogue espérimintale des dons ed télépatie, ed manipulacion mintale pi ed clairvoéyance. I s'in sert pour satisfoaire ses capriches pi gagner ed l'argint. I finit ch’pindant pèr lzés perde, pi il érdvint un vagabond anonime pi clabeus. Conme chés vintes dech fanzine ed Siegel n'sont pos satisfaisantes, chés deus amis conminchétte à foaire d'chés bindes à dessins, invisageant ed dvenir des auteus d’ binde à dessin professionnels, pisque chelles publiées dins chés jornals sont pus lucratives eq chés pulps (chés comics n'existoétte pos in 1933). Chele qualité dech dessin n'est pos primordiale, chu qui rind ch’ créniau pus accessibe pour Shuster. Siegel s'rind alorse compte eq Superman i srait pus rintabe conme parsonnage ed binde à dessin s'il étoait un héros, in voéyant eq chés bindes à dessins dont chés protagonisses sont d'chés criminels, conme Fu Manchu, ont dech mal à trover leu public si in lzés compare à chés protagonisses héroïques conme Tarzan. Alorse, is réinvintétte Superman in héros. Érprenant l'histoère aveuc Bill Dunn, is imaginette un syintifike sins scrupules qui transforme un umain ordinoaire in dseuronme. Ch’pindant à l’plache d’avoér d’chés percepcions estrasinsorielles, ech sujet dév’lope eune forche dseurumaine pi eune résistinche à chés bales.
In moai 1933, Siegel pi Shuster découvétte un live comics intitulé Detective Dan, publié pèr Humor Publishing,. I s'agit ed l'un d’chés prumiers comics qui contient d'chés histoères originales. Adon, chés comics n'étoètte eq d'chés colleccions ed strips ed jornals réimprimés. Humor Publishing présinte donc eune alternative à chés jornals, qui à chol stade n' s'intéressette pos à chés talints ed Siegel pi Shuster. Cheus-lo préparette un comics intitulé The Superman pi l' présintette à chés patrons ed Humor Publishing conme eximpe ed leu traval. Humor Publishing simbe intéressé pèr Superman, moais l'sochiété a s'ertire dech marché d'chés comics sins conclure un acord.
Chés erjets s'accumulette, pi Siegel conclut qu'i li faut un artisse pus connu pour intéresser chés éditeus. Quand il informe Shuster qu'il ercache à l'rimplacher, Shuster réagit in brûlant leu live erjeté ed Superman. I n'éparégne foque l'couverture dech live conme cadiau pour Siegel ; ch'est tout che qui resse dech prumier prototipe ed Superman.
Siegel sollicite divers artisses, pi in 1934 Russell Keaton li répond. Keaton habite à Chicago pi travaille conme artisse dseur l'binde à dessin Buck Rogers. I produit neuf bindes basées dseur un script ed Siegel. In aperçoét ichi l'progression dech parsonnage vers eune version pus conmune à chelle d'innui : dins un futur lointain, alorse eq l' Tière est dseur ch' point ed morir à cose ed « viusté », ech darin onme invoé sin fiu bébé dins ch' passé à l'an 1935, doù ch' bébé est adopté pèr Sam pi Molly Kent. Is li donnette ech nom ed « Clark ». L'infant moutre eune forche dseurumaine pi eune piau impénétrabe, pi ses parints adoptifs li apprennette qu'i doét s' servir ed ses pouvoérs pour ch' bin ed l'umanité.
Chés sindicats ed jornals én' s'intéressette toudi pos à Superman. Keaton abandonne ch' projet, pi Siegel i s'réconcilie aveuc Shuster. Is continuette à dév’loper Superman. Clark dvint jornalisse qui prétind ète lâche conme déguisemint. Lois Lane est conchue à chol stade. Al est attirée pèr Superman, n' sachant pos eq ch'est Clark.
In 1935, Siegel pi Shuster sont imbauchés pèr Malcolm Wheeler-Nicholson, ech propriétoaire ed National Allied Publications, eune moaison d'édichon ed magazines BD. Siegel pi Shuster produisette d'chés BD ed détective pi d'avintures pour Wheeler-Nicholson. Chelui-chi monte sin intérét pour publier Superman, moais Siegel pi Shuster érfusette à keuse eq Wheeler-Nicholson géroait mal sin interprise. In 1937, Wheeler-Nicholson déclare l' faillite pi vind sin interprise à ses partenoaires, Harry Donenfeld pi Jack Liebowitz. Donenfeld pi Liebowitz proposette ed publier Superman dins un nouviau magazène ed BD d'antologie qui sra intitulé Action Comics, moais à condicion eq Siegel pi Shuster érnoncette à leus droéts d'auteu. À chol stade, Siegel pi Shuster n'croyette pus eq Superman dviendra un succès, alorse i l' vindette à Donenfeld pi Liebowitz pour 130 $ (l'équivalint ed 2 400 $ innui). Ainchi is verront infin leu parsonnage publié[5].
In 1937, Sheldon Mayer qui travaille aveuc Max Gaines, ch' créateu dech comic book, amon l'éditeu McClure Syndicate, li parle dech projet ed strip ed Siegel pi Shuster. Max Gaines accepte ed jter un coup d'eule à ch’ Superman pi, convaincu pèr Mayer, i décide d'aïuder chés deus auteus. I leu suggère d’ érdécouper leu projet pour l'adapter ach format comic book pis i présinte chés paches à Harry Donenfeld, un d'chés patrons ed National Allied Publications. Chelui-chi n'est pos convaincu pèr l'série, moais foait confianche à Gaines pi i prind l'série pour ch' nouviau comic book qu'i lanche in avri 1938, pi qui s'intitule Action Comics. Ech succès est immédiat pi Superman éclipse chés autes séries publiées dins ch’ comic book.
Siegel po Shuster ont trové leu inspiracion dins chés histoères ed syinche-ficcion obin d'avintures dins chés pulps, dins elquelles figuroette des parsonnages qui possédoette d'estraordinoaires capacitès fisiques conme l'invisibilité obin chele forche dseurumaine. Parmi cheus-lo in trove John Carter, créè pèr Edgar Rice Burroughs. Carter est un umain qui s'trove pèr circonstances étranges dseur Marche, dousqu' chele gravité inférieure l’ rind pus fort eq chés Martiens.
Ach début dech XXe sièke, à chés Étots-Unis, ch' mot « superman » est courammint utilisé pour décrire des onmes avu des capacitès prodigieuses, ech pus souvint ch’est des politichiens obin des atlètes. Ech terme aparoait auchi dins d'chés pulps, conme dins des histoères dech héros Doc Savage, qui est parfoés décrit conme « un superman ».
Ech parsonnage ed Clark Kent o tè in partie inspiré pèr ch' comédien burlesque Harold Lloyd. Chelui-chi portoait des grindés lunettes d'écaille pi incarnoait souvint d'chés parsonnages dous pi timides qui s'loaissette abuser avint ed s'értourner finalemint conte leus persécuteus aveuc eune férocité suprenante. Shuster, qui o tè li auchi timide pi porteu ed lunettes, trouvoait chés parsonnages ed Lloyd simpatiques. Kent est jornalisse pisque Siegel s'imaginoait dvenir jornalisse li-meume un jour. Ech triangue amoureus intre Loïs, Clark, pi Superman est inspiré pèr chés difficultés ed Siegel aveuc chés files.
In dehors dech nom, Siegel pi Shuster ont tiré ed leus lectures d'chés idées qui s' sont mélingées pour former Superman. Ainchi Doc Savage, ech héros ed pulps créè pèr Lester Dent, dont ch' prénom est Clark pi qui est sulonmé « l'onme ed bronze », est eune source d'inspiracion tout conme Zorro, Tarzan, pi Flash Gordon dessiné pèr Alex Raymond.
Si Superman est eune créachon originale, ses créateus se sont inspirés, pus o moins consciemmint, ed nombeuses euves existantes. Ech nom meume dech héros est eune traduccion ed Übermensch tiré ed Ainchi parloait Zarathoustra ed Friedrich Nietzsche. Ch’pindant, Siegel pi Shuster n' l'ont jamoais mincionné dins des intervues.
Étant tous deus issues ed familles érfugiées juives pi ayant vécu l’antisémitisme, chés éspéryinces ed discriminacion ed Siegel pi Shuster ont probabemint jué un role dins chele créachon ed Superman. In tant qu’immigrés dins eune situacion mondiale précoaire, cha n’est pos étonnant qu’is s' sont imaginés un monne ed héros supuissants.
Superman fut l'eune d'chés franchises médiatiques chés pus rintabes dech XXe sièke, moais ses créateus (Jerry Siegel pi Joe Shuster) n'avoette pos droét à des erdevances ni ach controle créatif, pisqu'is avoette ernoncé à leus droéts d'auteu, n'ayant pos prévu chol succès espectaculoaire. Malgré cha, durint chés innées 1940, i sont bin païés pèr raport à leus confrères : in 1942, is ont tous deus gaingné 63 776,46 $ ( 998 000$ ajusté) quand ch' salaire moéïen d'un imployé ed DC Comics atteignoait 1 880 $.
Siegel écrit l'plupart d'chés BD d'chés lives pi dech jornal dousqu'à sin ercrutmint dins l'armée in 1943, apré quoé sin traval est confié à des nègres litéroaires. Alorse qu'i sert à Hawaï, Detective Comics lanche eune version ed Superman infant intitulée Superboy. Cha rind Siegel furieu, car DC Comics l'o publiée sins sin acord. Siegel est licincié in 1946, pi l'innée suivinte i poursuit DC Comics pour chés droéts d'auteu ed Superboy pi Superman. Ech juge déclare eq ch' contrat d'marche 1938 est valide, in conséquinche Superman appartint à DC Comics, moais Superboy est eune créachon distincte qui appartint à Siegel.
Chele déclaracion ed divorce ed Siegel suggère qu'il o tiré 29 000 $ dech règlemint apré avoér payé chés coutances légals, pi Shuster il o pétète tiré un montant similoaire. In tout cas, Siegel pi Shuster sont rinvoyés. Is continuette à foaire d'chés BD insimbe, moais sins rinconter ch' meume succès qu'aveuc Superman. DC Comics éringage Siegel conme scénarisse in 1957, moais Shuster demeure sins imploé, à cose ed s'cécité.
In 1969, Siegel pi Shuster tintette à nouviau ed érclamer leus droéts d'auteu in s' servant d'eune provision del loé ed 1909 (ech « Copyright Act of 1909 ») qui permet à un auteu ed « érnouveler » ses droéts 25 ans après s'créachon. Moais ch' juge déclare eq Siegel pi Shuster ont transféré leus droéts ed érnouvellemint à Detective Comics in 1938.
Siegel est d'nouviau rinvoyé. In 1975, Siegel pi pusieus autes artisses pi auteus ed BD lanchette eune campagne publique pour eune meilleure récompinse d'chés créateus ed BD. Warner Brothers accepte ed payer eune pinsion annuelle pi d'autes bénéfices pi ed chiter leus noms dins totes futures produccions ed Superman in échinge d'un érnonchemint définitif à leus droéts d'auteu.
Shuster meurt in 1992. DC Comics offre à chés éritiers ed Shuster eune borse in échinge ed leu érnonchemint à contester leu controle ed Superman, che qu'is acceptette pour pusieus innées.
Siegel meurt in 1996. Ses éritiers tintette ed érprinde chés droéts d'auteu ed Superman in s' servant d'eune érseve dins chele loé ed 1976 pour terminer chele cession ed chés droéts. DC Comics offre à chés éritiers pusieus millons ed dollars pi eune borse annuelle ed 500 000 $ in échinge del garde d'chés droéts d'auteus ed Superman. In octobe 2001, chés éritiers ed Siegel acceptette l'offre.
Ch'est à ch’ momint eq Marc Toberoff, un avocat espécialisé dins ch' showbiz, i s'présinte à chés éritiers ed Siegel pi Shuster aveuc eune offre pus intéressante : i mettra in litige chés droéts d'auteu ed Superman si chés éritiers lzés cèdette à s'prope interprise ed films, Pacific Pictures, tout in échinge pour d'chés érdevances supérieures. Is acceptette. Chés éritiers ed Siegel annulette leu acord aveuc DC Comics pi, in 2004, is l'poursuivette in justiche pour chés droéts ed Superman pi Superboy. In 2008, ch' juge estatue in faveur d'chés Siegel. DC Comics foait apel ed chole décision pi ch' juge d'apel estatue in faveur ed DC Comics, jugeant eq leu acord in octobe 2001 est obligatoére. In 2003, chés éritiers ed Shuster is annulette leu prope acord aveuc DC Comics, moais DC Comics lzés poursuit in justiche in 2010 pi ch' juge estatue eq leu acord in 1992 leu interdit d'annuler chés droéts ed DC Comics à publier Superman.
Superman intrero dins ch' domaine public in 2033, moais cha n' s'applique qu'à l'version ed Superman qui aparoait dins Action Comics #1 (1938).
Edpuis 1938, Superman est ressé un parsonnage dseurpuissant définseu d'chés jusses coses. Ch’pindant, pusieus étapes dins s' longue carrière sont à distinguer. L'histoère ed Superman dseur ch' papier connoait pusieus versions ed 1938 à innui, auteus pi dessinateus confondus. Chaque novèle version érprind dés élémints ed ses prédécesseurs, moais apporte auchi sin lot ed nouviautés pi d'originalité : chele réunion ed l'insimble o assuré ch' succès del léginde ed Superman. I faut y ajouter chés films, chés dessins animés pi chés séries : tous apportette leu prope vision.
Dins un prumier timps, Superman est un super-héros dins un monde normal. Il n'o pos incore d'ennemis à s'mesure pi ses avintures l'amènette à combatte chés maus d'un monne simblabe à chti dech lecteu. Progressivemint, ch’pindant, Siegel pi Shuster créette d'chés génies dech mal conme l'Ultra-humanite in 1939 o Lex Luthor in 1940. Dins ch' meume timps is mettette ach point tout l'univers intourant ch' super-héros : chés origines kryptoniennes, l'idintité secrète ed Clark Kent, chele ville ed Metropolis, ch' parsonnage féminin ed Lois Lane, etc. Chés lecteus n'ertrouvette pos ch’ ptit monne uniquemint dins chés paches d'Action Comics moais auchi edpus l' 16 ed jinvier 1939 dins un comic strip pi à partir ed l'étè 1939, dins un comic book à sin nom.
Il o franchi l'Atlantike à chele meume période. In Franche, ch'est dins l'ervue Avintures éd superman arive in 1939, dsous ch' nom ed « Yordi », ech directeu del publicacion craignant eq Superman n'fasse référinche à l'idéologie nazie. Chés avintures dech parsonnage sont égalemint publiées in Bergike, dins ch' magazène Spirou (liméro 9), qui cange égalemint ch' nom dech héros : i sra « Marc, l'Hercule modérne ».
Tière-II o té créèe à l'fin d'chés innées 1960, pi étoait cinsée ète ch' monne dins elquel chés prumières histoères ed Superman sont cinsées s'ète déroulées. Adon ch'est un Superman pus âgé qui y vit, dont ch' nom kryptonien est Kal-L (ech prumier nom imploéyé pour désinner Superman, l'ortografe Kal-El étant adoptée pus tardivemint).
Kal-L étoait ch' fiu ed Jor-L pi Lora (lonmé dseur l'Tière I Jor-El pi Lara-El). Sin père l’invoya dseur Tière pour ch' sauver ed l'esplosion qui menachoait Krypton, s'planète natale ; l'infant fut trové pèr John (lonmé dseur chele Tière I Jonathan) pi Martha Kent qui l' érbaptisèrette « Clark ». Clark fut mis dins un orfelinat à Smallville, pour eune durée pus o moins longue, dousqu'à chés Kent décidette ed l'adopter. Apré leu mort, Clark s’in va vive à Metropolis pour tracher un imploé conme jornalisse ach Daily Planet, moais s'candidature o tè erjetée. Il décida ed suive l’histoére d'Evelyn Curry, condamnée à mort pour meurte. Kal-L il o découvert qu’al étoait innochinte, pi dsous l’idintité ed Superman, il arrêta chele vraie coupabe, sauvant l’ vie d'Evelyn. Cha o foait ed li eune chélébité nacionale in tant eq Superman pis Clark o tè accepté conme jornalisse ach Daily Planet.
Il est ch' seul super-héros à visage découvert pi pourtant non erconnu (pèr ses proches pi ses ennemis) grache à sin apparinche banale inchi qu'un d'chés reporters lzés pus appréchiés. Superman il o aidé à fonder chele Sochiété ed Justiche pi in dvint un mimbe onoroaire. I finit pèr s'marier aveuc chele Lois Lane ed Tière-II. Pindant leu voïache ed noces, al essaya ed li coper chés cavieus, pi quand chés cisiaus s'cassèrette, ale prit conscienche del véritabe idintité ed sin mari moais ernouvela ses veus matrimoniaus parche qu'ale l'aimoait. Sin mari dvint auchi ch' rédacteu in chef dech Daily Planet.
Alorse eq chés comics ed super-héros perdette leus lecteus pi cessette d'ète publiés, cheus ed Superman, conme cheus ed Batman o Wonder Woman continuette à ète distribués.
Dins chés innées 1950 ch' directeu del publicacion d'chés comics mettant in schène Superman, Mort Weisinger, dminde ach scénarisse Otto Binder, qui dins chés innées 1940 écrivoait chés histoéres ed Captain Marvel, ech pus importint concurrint ed Superman, pour Fawcett Comics ed dvenir ch' scénarisse princhipal ed l'onme d'acier. Binder, passionné pèr chele syinche-ficcion dévlope chole aspet dins chés avintures ed Superman. Binder pi chés artisses qui travaillette aveuc li introduisette dins l'univers dech héros pusieus élémints qui deviennette réguliers conme chele forteresse del solitude, chele rouche kryptonite moais auchi dés super-vilains conme Brainiac o l'idée d'avintures imaginoaires. Pèr ailleurs, Weisinger est ch' prumier à ajouter à chés comics eune pache dédiée ach courrier d'chés lecteus pi à dminder à cheus-chi che qu'is voudroétte voér dins chés paches dech comics. Ch'est inchi qu'i répond à pusieus proposicions ed lecteuses ed voér un équivalint feuminin ed Superman in créant Supergirl. Ch'est Otto Binder, ech créateu dech parsonnage ed Mary Marvel, version feuminine ed Captain Marvel, qui schénarise l'arivée del cousine ed Superman dins Action Comics 252 daté d'moai 1959. À partir ed 1956, kminche eune novèle période, chelle ed l'ache d'argint d'chés comics. Pour chés super-héros conme Superman, leus avintures s' suivette pi rin n'marque ch' passache d'eune époque à l'aute. Ch’pindant, chés critiques qui s' sont pinchés dseur chés comics is ont établi eq l'ache d'argint pour Superman kminchoait in join 1958 aveuc l'avinture intitulée The Super-Key to Fort Superman.
Tière-I o té créèe ach début d'chés innées 1960, pi étoait cinsée ète ch' monne dins elquel chés histoères ed Superman ed l'ache d'Argint (pi in tant eq Superboy) sont cinsées s'ète déroulées. Adon ch'est un Superman pus jonne qui y vit, dont ch' nom kryptonien est Kal-El.
Superboy étoait à l’origine simplemint Kal-El infant pi étoait essintiellemint traité conme eune version junior ed Superman. In éfet, Superboy portoait ch' costume ed Superman pi sin alter ego Clark Kent portoait dés lunettes conme déguisemint pour sin idintité chivile. Ech parsonnage o tè créè sins chele permission d'chés créateus ed Superman, Jerry Siegel pi Joe Shuster, cha o contribué à approfondir un fossé déjà grindissant intre eus pi l’éditeu, DC Comics.
Superboy, aparu pour l'prumière foés dins More Fun Comics #101 (1944), a déménagé insuite dins Adventure Comics. In 1949, Superboy o yu droét à sin prope comic-book. Ch’est à ch’ momint eq chés parsonnages s’condoaires s'dévlopette alintour dech héros. Chés seuls parsonnages majeus à aparoaite durint chés prumières innées étoétte Jonathan pi Martha (o « Ma pi Pa ») Kent. À partir ed Superboy #2, chés avintures ed Superboy s'déroulèrette à Smallville, Étots-Unis. Chertains d'chés ennemis ed Superman, conme chés vilains del Zone Fantôme, firent leus prumières aparicions dins chés histoères ed Superboy, pi d’autes (conme Mr Mxyztplk) aparurette dins d'chés versions pus jonnes.
Pindant Crisis on Infinite Earths, tous chés réalités paralèles ed l'univers DC ont fusioné in eune seule. Chertains héros s' ertrouvèrette désormoais sins passé, tindi eq chelui ed chertains ed leus collègues s' trouvoait modifié. Tière-II disparut donc, pi aveuc à tout che à quoé tnoait Kal-L.
Apré l' bataille finale conte l'Anti-Monitor, Alexander Luthor Jr, ch' seul survivant ed Tière-III, révélo à Kal-L eq s' feume étoait vivante, pi lzés transporta aveuc Superboy-Prime dins eune diminsion paradisiaque dins elquelle Kal-L étoait cinsé erster pour l’éternité. Ch’pindant il o tè révélé in 1999 dins l' minisérie The Kingdom eq Superman n' voyoait pus s' diminsion conme un paradis moais conme eune prison. I finit pèr trover eune sortie qui n' causeroait pos l' destruccion ed l'Univers DC. Moais il décida ed erster incore dins l' diminsion paradisiaque pour un chertain timps.
Dins Infinite Crisis Secret Files 2006, in monte éq Kal-L étoait initialemint contint dins l' « paradis » jusse avint l' dépression ed Lois pèr l'absinche ed Power Girl. Voyant cha, Kal-L construit eune réplique dech Daily Star croéyant eq cha li donneroait pus d'énergie. Croéyant eq l' « paradis » dévoroait leus consyinches, Alex Luthor (pus froéd pi distant eq jamoais car il n'avoait jamoais eu eune infance pi pèr ch' foait qu’il étoait condamné à un exil éternel après avoér sauvé l'Univers) il o profité ed l'attincion ed Superman pour Lois pour convaincre un Superboy-Prime frustré ed sortir del diminsion in rompant l' barrière del réalité, kminchant l' chaine des évènemints qui vont culminer à Infinite Crisis. L'altéracion del réalité pèr Superboy-Prime affecta très gravemint l' santé ed Lois.
In 1986, après l' publicacion del minisérie Crisis on Infinite Earths, ed Marv Wolfman (scénarisse) pi George Pérez (dessinateu), l'éditeu DC décide ed ermettre Superman ach gout dech jor. Pour che foaire, ils imbauchette John Byrne, auteu complet chélèbe pour ses prestacions dseur X-Men pi Fantastic Four. Dins l' minisérie Man of Steel, Byrne erdéfinit Superman (qui n'o jamoais té Superboy pi dont chés pouvoérs sont pus limités), moais auchi ses ennemis (Lex Luthor, qui n'est pus un savant fou moais un magnat del finance, Bizarro…) pi ses amis (Lois Lane, Perry White, Jimmy Olsen…). Insuite, Byrne dessine conjointemint l' novèle série Superman, ainchi eq Action Comics, série qui présintera, tous chés moés, Superman associhé à un aute parsonnage ed l'univers DC.
Che nouviau départ permit ed ermette à plat l' genèse dech parsonnage pi ed rinverser ch' couple Superman-Clark Kent : à partir ed chole série, ch'est bin Superman qui est l'idintité secrète ed Clark Kent, che qui permit ed développer ed nombeus aspets ed l'« umanité » ed Superman, dont ses erlacions sintimintales aveuc Lois Lane (voér séries télévisées chi-dsous).
Dins l' version originale d'sin histoère, Superman est né dseur l' planète Krypton dsous ch' nom ed « Kal-El ». Incore bébé, il fut inroulé dins eune cape pi plaché dins un vaissiau spacial pèr sin père, ch' scyintifike Jor-El, pi s' mère, Lara, car l' planète étoait dsous l' menache d'eune destruccion totale.
Ech vaissiau Moose II quitta Krypton jusse avint l'esplosion fatidique… Ach terme d'un très long voyage, il atterrit dseur l' planète Tière. Kal-El est trové pèr un fermier ach grind tchoeur pi s' feume à Smallville (Kansas). Jonathan pi Martha Kent, qui n'ont pos d'infant, décidette alorse ed l'adopter pi ed garder l' secret dseur ses origines.
Kal-El est rebaptisé « Clark Joseph Kent » pi grandit intouré d'ses amis Lana Lang (sin prumier anmour) pi Pete Ross. Eune foés adolescint, Clark s'interroge dseur sin adopcion pi ses pouvoérs aparints. Chés Kent décidette alorse ed li révéler ch' secret ed ses origines. Il aprind donc à moaitriser ses pouvoérs pi à vive dins l' secret malgré li.
Après chele mort ed Jonathan Kent pi queques innées d'études, Clark erchoét un « apel » l' poussant finalemint à créer s' Forteresse ed Solitude in Arctique. In pusieus moés, il aprind chés moindes détails dseur sin départ ed Krypton, développe ses capacitès fisiques pi accepte chele mission eq li o confiée sin père, Jor-El : « Guider chés umains ».
Jonne adulte, Kal-El décide alorse euvrer pour chés umains à visache découvert afin ed n'pus jamoais avoér à s'cacher. Martha li confectionne un uniforme dins lquel il pourroait ète erconnu ed tous. Il tint à y intégrer chele cape d'sin père biologique pi l'imblème ed chele dynastie « El » dseur sin torse. Chés umains l'apelleront pèr l' suite, Superman, à cose del forme ed chole imblème qui rapelle un « S ».
In paralèle, dins ch' but ed n'pos attirer chés érgards dseur li, Clark décide ed cacher sin idintité ed super-héros derrière un éstatut ed reporter très peu karismatique à l'allure naïve, simbolisé pèr eune poaire ed lunettes. Il décide alorse ed s'installer à Metropolis pour postuler dins un grind quotidien nacional. Il est ingagé pèr Perry White, ch' rédacteu in kief dech Daily Planet. Il y travaille aveuc ch' jonne fotografe Jimmy Olsen pi aveuc l' princhipale reporter dech journal, Lois Lane. Chelle-chi s'éprendra dech lumineus Superman moais dédaignera sin partenaire pi néanmoins ami, Clark.
Ech jor d'sin arivée à Metropolis, Clark utilise ses pouvoérs pour éviter eune catastrofe. Dès lorse, dsous l'forme ed Superman, il sauve des vies, combat chés méchants. Pour changer ed costume, ch' comics monte Clark intrant dins eune cabine téléfonique ; pus tard, il s' sert d'eune ptite sale ed stockage dech jornal.
Kal-El est un des piliers del Ligue ed justiche d'Anmérike ainchi qu'un des super-héros chés pus appréciés.
Superman est mort dins Superman (vol. 2) #75, in 1993 ; l'évènemint éditorial est très médiatisé. L'adversaire ed Superman est Doomsday, eune créature ed destruccion ultra-puissante qui s'est ingagée dins un saccage apparemmint sins fin des Étots-Unis.
Superman est insuite erssuscité, à l'occasion d'eune grinde saga qui voét aparoaite l'version actuelle ed Superboy.
Superman connoait diférintes apparinches, adoptant un timps chés cavieus longs, pi un costume bleus, correspondant à eune modificacion ed ses pouvoérs, avant ed ervnir à eune version pus clachique pi finit pèr s'marier aveuc Lois (chole dernière ayant apris sin secret).
In 2003, ch' scénarisse Jeph Loeb réunit « l'Onme d'Achié » aveuc sin collègue ed Gotham City dins Superman/Batman : Ach serviche dech monde, série qui comminche quand chés deus héros sont confrontés à Lex Luthor, élu présidint des Étots-Unis, qui o décidé d'chés éliminer eune foés pour toutes in jetant ch' discrédit dseur eus, pi in invoyant à leus trousses d'autes super-héros. Chele série s'poursuit edpuis aveuc un nouviau dessinateu pèr arc, ésplorant l' solidarité intre chés deus héros, moais auchi leus diférinches, notammint à l'occasion ed l'arivée d'eune novèle Supergirl.
In 2004, Clark Kent est értrogradé ach sein dech Daily Planet pi est désormoais chargé des afoaires criminelles pi del liaison aveuc chele S.C.U.
Superman continue d'ète l'héros ed pusieus séries ed comics qui coésistette simultanémint : Action Comics, Superman, Adventures of Superman. Chacune o ses propes intrigues pi s'prope linne éditoriale, ésplorant eune facette particulière dech héros. Chelles-chi peuvette s'croéser à l'foés dsous forme ed suite (eximpe : chele campagne électorale ed Lex Luthor dins chés numéros ed l'innée 2000), moais ales ont tindanche à fonccionner indépindammint, bin qu'ales fassette partie del meume continuité.
John Byrne est rvenu in 2005 dseur Superman, prenant in charge chés dessins d'Action Comics.
Edpuis 2011, toutes chés séries publiées pèr DC ont ercomminché leu numérotacion ach numéro 1 car après chés évènemints ed Flashpoint, l'univers DC o té intièremint ercréé. Action Comics présintette chés esploéts d'un jonne Superman alorse eq Superman s' passe chinq ans pus tard.
In 2005, dins ch' cade dech label All-Star ed DC, Grant Morrison pi Frank Quitely lanchette All-Star Superman, eune série cinsée raconter des avintures « iconiques » ed Superman, basées dseur chés élémints dech parsonnage eq tout ch' monde connoait pi dégagées ed toute continuité. « Pour che foaire, l' série s’abille ed toutes sortes ed référinches à chés époques eq l'héros o traversées, ed l’idéal dech Golden Age ach merveilleus SF dech Silver Age, tout in foaisoant émerger des réflexions pus profondes, dins l’ésprit del produccion contimporaine. » Chele perspective del mort ed Superman pérmet in éfet à chés auteus ed foaire référinche à chés nombeuses avintures dech héros, vieu alorse d'presque 70 ans, tant dseur ch' plan del continuité ofichiele eq dseur des épisodes pus anecdotiques ayant troait à chés parsonnages secondaires.
Princhipales histoères dins ch' cade d'chés séries régulières
Chele Mort ed Superman, suivi ed Un monde sins Superman pi Ech Ertour ed Superman (1992-1993).
DC Comics o annonché lorse del Jornée dech Coming Out nacionale, lindi 11 d'octobe, eq ch' nouviau Superman est bisexuel pi comminchero eune relacion aveuc un onme dins ch' prochain numéro ed "Superman: Son of Kal-El".
Kingdom Come, mini-série ed Mark Waid pi Alex Ross, s'déroulant dins ch' futur dousqu' un Superman qui s'est ertiré doét ervnir pour foaire fache à eune novèle généracion ed héros belliqueux.
Superman: Red Son (2003) : pi si chele capsule dech Kal-El d'avint Crisis étoait tombée in URSS ? Chole ukronie à l'intérieur ed l'univers Superman permet ed conclure ed manière ironique dseur chés loyens intre Lex Luthor pi Superman.
Superman: Birthright (2003-2004) : raconte chés prumières innées ed erporter ed Clark Kent, pi sin arivée à Metropolis fache à sin anchien ami Lex Luthor qui veut profiter del teknolodjie ed Krypton. Chole série o té lanchée grache ach succès ed Smallville, pi constitue chele quatième origine dech personnage ed Superman (après chelles ed 1938, 1944 pi ed 1986). Publiée in Franche pèr Semic dins chele revue omonime, pi dins chele ervue minsuelle Superman ed Panini pi in librairie pèr Urban Comics.
Superman: Secret Identity (Idintité secrète), mini-série qui raconte dsous chele pleume ed Kurt Busiek pi ch' pinciau ed Stuart Immonen l'histoère d'un jonne onme baptisé Clark Kent qui s'découve chés pouvoérs ed Superman. Publiée in Franche pèr Semic in librairies, pi continuée pèr Panini.
Superman: End of Century (Fined sièke) one-shot schénarisé pi pint pèr Stuart Immonen, eune avinture ed Superman confronté à chés histoères ed famille pi ed magie ed Lex Luthor pi sin ex-feume, alorse eq chés festivités dech nouviau milénoaire approchette. Publiée in Franche pèr Semic in librairies.
Superman est auchi apelé « l'onme d'achié » (The Man of Steel) pi « l'onme ed dmain » (The Man of Tomorrow). « L'onme ed fer » est auchi imployé parfoés dins chertains textes VF, moais il s'agit d'eune éreur ed traduccion parche eq che nom désinne un aute héros ed comics (il s'agiroait alorse d'Iron Man, litéralemint « onme ed fer », un super-héros Marvel sins raport aveuc Superman).
Eune partie d'chés pouvoérs ed Superman li sont conférés pèr ch' Solel jaune del Tière dont il absorbe chés radiacions, che qui li donne pèr eximpe eune super-vision obin incore eune super-ouïe, pi auchi pèr ch' foait eq s'constitucion est adaptée à chele gravité ed Krypton, grandmint supérieure à chelle del Tière, che qui li permet ed voler. Tot Kryptonien esposé à note Solel peut acquérir chés meumes pouvoérs (Superman in o combatu).
Chés pouvoérs ed Superman ont considérabemint varié edpuis s'créachon in 1938, époque à laquelle il étoait grandmint moins puissant eq chele plupart ed ses versions ultérieures. Il possédoait seulemint super-forche, invulnérabilité (induranche) pi super-vitesse à un degré erlativemint limité ; il n'voloait pos moais foaisoait ed très grinds bonds intre d'chés blocs d'immeubes. Tous ses autes super-pouvoérs étoette alorse inconnus pi il tiroait s'forche uniquemint del diférinche ed gravitacion intre chele Tière pi Krypton, et pi non pos dech Solel jaune. L'étindue pi l'intinsité d'chés pouvoérs ed Superman n'sont pos clairemint définies pi peuvette varier considérabemint chelon chés besoins ed l'histoère, meume si ses pouvoérs ed base (vol, super-forche, super-vitesse, invulnérabilité, super-soufe, diférintes visions (termique, rayon X, micro/télescopique, super-ouïe) restette globalemint chés meumes ; d'autes pouvoérs n'aparoaissette qu'ocasionnellemint pi n'sont pos unanimemint considérés conme foaisant partie d'chés pouvoérs ed Superman.
Superman est actuellemint doté :
d'eune super-forche qui ch' rind capabe d'esploéts fisiques diférints, dousqu'à déplacher d'chés planètes dins chertaines intrigues. S'forche fisique n'o pos ed limites bin définies pi resse très variabe chelon chés intrigues : in peut ch' voér grimacer dsous l'éfort in arrêtant un train moais auchi détourner un gros astéroïde in queques secondes sins montrer ch' moinde sinne ed fatigue ;
d'eune super-vitesse qui li permet ed s'déplacher, ed courir, ed réagir, ed réfléchir, ed nager, ed voler pi foaire un tas d'autes taches à d'chés vitesses estraordinoaires. Sin hiper-activité cérébrale li permet ed troaiter chés informacions sinsorielles si rapidemint qu'il voét ch' monde tourner ach ralinti lorsqu'il utilise es super-vitesse, pratique pour attraper obin esquiver chés bales. On évalue eq Superman peut ach sol excéder chele vitesse dech son pi dins chés airs ateinde voére dépasser chele vitesse del leumière. Es vitesse resse néanmoins inférieure à chelle ed Flash ;
d'eune super-induranche grache à laquelle il peut s'déplacher o voler pindant eune longue période sins jamoais ète épuisé. Il n'o pos besoin ed minger, ni ed boére, ni ed dormir, il peut resser indéfinimint dsous l'iau o dins chés airs. In roaison ed s'capacitè pulmonoaire presque infinie, il peut garder sin soufe très longtimps sins jamoais avoér besoin ed s'arrêter (dins chertaines histoères il o bsoin ed réserves d'oxigène pour aler dins l'espache) ;
d'eune super-résistinche proche ed l'invulnérabilité due à es structure moléculoaire estrèmemint dinse, qui rind s'piau quasi-impénétrabe, pi à eune aura bio-électrique indestructibe ed 3 mm d'époaisseur qui ch' protège, ainchi que tot che qui l'intoure conme sin costume, d'chés bales, d'chés météorites obin d'chés autes tipes ed forches estrèmes. Chele résistinche fisique ed Superman est très grinde moais ses limites sont floues : elle varie grandmint chelon chés histoères ;
d'eune super-vision qui inclut :
eune vision télescopique qui li permet ed zoomer dseur eune chose o un objet lointain in particulier. Ainchi, il est capabe ed voér à d'chés miliers ed kilomètes aveuc eune grinde précision,
eune vision microscopique qui li donne chele capacitè de zoomer dseur d'chés choses, d'chés objets estrèmemint infimes in dessous dech niviau atomique invisibes à l'œil umain pi détecter chés pus ptits indiches aveuc eune bone netteté,
eune vision à rayons X li donnant chele capacitè ed voér à travers chés objets solides, chés cors pi n'importe quoé d'aute excepté ch' plomb dont il peut y ajuster chele profondeur. Il peut combiner s'vision à rayons X aveuc s'vision télescopique obin microscopique. Cette capacitè nécessite grandmint d'concintracion,
eune vision termique qui li permet d'atomiser, ed brûler o ed chauffer eune cibe aveuc ses ius. Il peut controler aveuc eune estrème précision chele longueur, chele largeur pi l'intinsité ed ses rayons ;
d'eune super-ouïe li procurant d'chés oreilles ultrasinsibes grache auxquelles il intind pusieus conversacions simultanémint dins un rayon ed pusieus chintaines ed miliers ed kilomètes ed distince aveuc précision, pi peut erpérer chés bruits chés moins distinguabes. Il peut s'conchintrer dseur d'chés sons spécifiques tels qu'eune alerte à l'bombe. Il intind meume chés fréquinches sonores auxquelles chés umains sont insinsibes. Il est auchi capabe d'intinde d'chés bruits dseur d'autes planètes séparées del Tière ed pusieus milions ed kilomètes ;
d'un super-odorat grache auquel il peut sintir chés moindes parfums o odeurs eq chés ètes umains normaus n'peuvette normalemint sintir à eune pus grinde distanche ; il peut pèr eximpe savoér s'il y o eune bombe dseur ch' point d'esploser. Sin odorat est comparabe à chelui ed chertains animaus ayant un meilleu odorat eq chés umains, conme chés kiens ;
d'un super-soufe li permettant d'inhaler o d'exhaler ed très importintes quantités ed gas aveuc eune puissanche dévastatrice dépassant chelle del pire d'chés tornades, pouvant éteinde un incindie o déplacher d'chés parsonnes pi meume ed lourds objets conme d'chés voétures. Il peut égalemint soufer o aspirer dech gas dins chés invironnemints désoxigénés ;
d'un soufe réfrigérant li permettant ed congeler d'chés cibes o d'chés parsonnes à d'chés timpératures très froédes pi à transformer ed l'iau in glache ;
d'eune super-mémoére li permettant ed s' souvenir ed tot che qui li est arivé ach cours ed s'vie pi che meume lorsqu'il étoait infant aveuc précision pi dins chés moindes détails. Il s' souvient ed tot che qu'il o vu, intindu pi lu dins s'vie. Cela li permet égalemint ed parler totes chés langues aveuc eune aisance déconcertante, ed chés erconnoaite, pi d'assimiler très vite chelles qu'il n'connoait pos, meume chés langues mortes ;
d'eune super-intérligince li permettant ed posséder un quotient intelectuel bin au-delà dech génie. Cela li permet ed réaliser pi ed foaire d'chés opéracions ultra-complexes simultanémint pi d'exécuter grandmint ed taches à l'foés ;
d'eune super-agilité obin super-dextérité grache à laquelle il est grandmint pus agile pi mobile aveuc tot che qu'il peut foaire, eq che soét foaire dech vélo, juer ach fotbale o ach basket, courir à d'chés vitesses estraordinoaires o lancher d'chés objets. Ceci améliore pèr conséquint ses erflexes pi sin timps ed réaccion. Il peut exécuter d'chés mouvemints o d'chés accions consécutives, préchises pi aveuc exactitude. Il peut foaire d'chés sots o d'chés bonds grandmint pus loin pi biaucoup pus préchis ;
d'un facteued djérison qui li donne chele capachitè ed djérir o ed érgénérer ses blessures, dégâts fisiques, maladies o ploaies chés pus graves très rapidemint ed fachon presque instantanée bin qu'il soét fisiquement quasi invulnérabe ;
d'eune longévité due à sin facteu ed djérison. Ses chellules s'régénèrette à l’infini, donc il n'vieillit pos.
del capachitè ed voler li permettant ed défier chés loés del gravité pi ed pouvoér ainchi léviter, planer o incore voler à s'guise.
À l'origine Superman n'vole pos. Moais dins chés innées 50, lorsque ch' prumier dessin animé Superman est créè à chele télévision améritchaine, chés dessinateus ont dech mal à animer ch' parsonnage lorsqu'il bondit. Ils demindette alorse l'autorisacion à l'éditeu ed Superman, DC Comics, ed li ajouter un nouviau super-pouvoér : chele possibilité ed voler. Conme ch' super-héros est immobile lorsqu'il vole, ch'est autant d'éforts in moins pour chés auteus dech dessin anim. Aveuc ch' timps, che pouvoér bin pratique vo permette d'invoyer ch' super-héros à l'aute bout dech monde pi del galacsie quasi-instantanémint.
À l'origine, Superman avoait ch' pouvoér ed controler ses muscles fachiaus pi prinde chés troaits d'un aute.
Superman est auchi un bon combattant ach cors à cors, introainé pèr Wildcat, Mongul, Wonder Woman pi Batman et pi moaitrisant deus arts martiaux kryptoniens.
Ech princhipal point faibe ed Superman est chele kryptonite, fragmint radioactif del planète Krypton arivé aveuc li dseur Tière. Al exisse in différintes couleus. Chés deus pus courintes sont l'verte, chele pus conmune, qui affaibit Superman pi chele rouche qui o d'chés éfets variabes à chaque foés pouvant parfoés ète loufoques (aichi s'barbe peut s'mette à pousser d'eune fachon irraisonnée). Chés autes tipes ed kryptonite sont chele blanke, chele bleue, chele noére, chele dorée, chele cristal, chele kryptonite-joyau, l'X-Kryptonite, l'inti-kryptonite, chele kryptonite rose. Ech plomb protège Superman d'chés éfets del kryptonite.
Superman est égalemint vulnérabe à chele magie, moais pos pus qu'un onme ordinoaire.
Il perd ses super-pouvoérs lorsqu'il est dsous chés radiacions d'un solel rouche, ed meume lorsqu'il resse trop longtimps copé del source ed ses pouvoérs, ech Solel jaune. Il dvint alorse auchi vulnérabe qu'un onme ordinoaire.
Lorsque ed fortes érupcions dech solel jaune terrien arivette, chés pouvoérs ed Superman deviennette auchi incontrolabes eq dsous l'éfet del kryptonite rouche.
Il n'peut pos résister à d'chés décharges électriques à heute tinsion : si ales tuoette un umain, ales li feroette perde connaissinche. Chés faibes décharges n'li font rin.
Superman est égalemint perturbé pi vulnérabe l'jor ed sin anniversaire kryptonien. Chele fète chélébrée à l'origine totes chés sis innées kryptoniennes s'traduit amon li pèr d'chés dépressions pi eune perte ed controle ed ses pouvoérs.
D'autes ètes d’origine kryptonienne (o aparintés) sont capabes ed l'blesser, voére ed l'tuer, car ils possèdette d'chés pouvoérs comparabes dsous l'éfet d'un solel jaune. In peut ainchi chiter intre autes : chés Kryptoniens ach sins strict, ch'est-à-dire chés individus del meume espèche eq Superman (conme ch' Général Zod) ; d'autes créatures originoaires ed Krypton (conme Doomsday) ; o divers ètes créès artificiellemint à partir ed matériel génétique kryptonien, souvint chelui ed Superman (conme Bizarro, obin l'Onme Nucléoaire ed Superman 4).
Ech costume est tissé pèr chele mère ed Clark, Martha Kent. Ech simbole dseur ch' torse ed Superman forme un S, moais dins l'histoère, il est cinsé ète un simbole kryptonien del moaison d'chés El moais auchi sinnifiant « espoér ». Che simbole o habituellemint un fond jaune, moais il o quequefoés té rimplaché pèr un fond noér quand Superman portoait ch' deuil. Dins un épisode del série Smallville, eune cuirasse d'Alexandre ech Grand arbore ch' triangle inversé muni in sin milieu d'un serpint, or cette cuirasse est utilisée pour chés batailes d'Alexandre. Superman o auchi eune chinquantaine ed costumes qui ont chacun leu prope spécificité.
Ses parints adoptifs, Jonathan pi Martha Kent, aparoaissette pour l'prumière foés dins ch' prumier numéro ed Action Comics, créè pèr Jerry Siegel pi Joe Shuster. Ch'est Martha Kent qui conçoit ch' costume ed Superman. Ses parints sont présints dins ed nombreus comics ed Superman. Ils aparoaissette égalemint dins ed nombeuses adaptacions chinématografiques pi télévisées.
Kal-El o eune cousine, Kara Zor-El, alias Supergirl qui est égalemint invoyée dseur Tière. Alorse eq Clark Kent est adulte, un aute infant kryptonien arive del meume manière, Superman l'adopte pi l'prénomme Chris Kent.
Dins s'ville terrienne natale, Superman o pour meilleu ami d'infance Pete Ross pi sin prumier anmour est Lana Lang. Chele série télévisée Smallville introduit eune aute amie d'infance aveuc Chloe Sullivan.
Dseur sin liu ed travail, ech Daily Planet, Clark Kent fréquinte ch' rédacteu in kief Perry White, ch' fotografe Jimmy Olsen, chele jornalisse Cat Grant pi surtout s'collègue, chele jornalisse Lois Lane, qui dvint s'feume.
Kal-El fréquinte régulièremint chés autes mimbres del Justice League, in particulier Batman qui in dépit ed conflits parfoés très violints dvint l'un ed ses meilleus alliés pi amis.
L' 11 pi 12 d'octobe 2021, DC Comics annonche eq ch' fiu ed Superman, nommé Jon Lane Kent, assumera s'bisexualité in tombant amoureus d'un onme. Dins cette novèle série ed Superman intitulée « Fieu ed Kal-El », Jon Kent est un super-héros à chés préoccupacions différintes ed chelles d'sin père car il est très impliqué contre chés injustiches sochiales, ch' dérèglemint climatique o chele crise d'chés réfugiés, l'éditeu souhaitant s'adapter à l'évolucion d'chés sochiétés pi d'chés mœurs.
Durint l'période dousqu' Mort Weisinger est éditeu in kief ed DC Comics, chés animaus sont pus eq d'simpes animaus ed compagnie, che sont d'chés héros. Chés auteus s'inspirette del conkète spaciale dousqu' d'chés animaus conme l' kienne Laïka pi chés chimpanzés Ham, pi Enos sont invoyés dins l'espache avint chés ètes umains. Dins chés comics, Jor-El effectue d'chés tests dseur d'chés animaus pour chele fusée qui doét conduire sin fiu dseur Tière.
Krypto ech super-kien aparoait dins l'histoère The Super-Dog from Krypton ch' numéro 210 d'Adventure Comics d'moai 1955. Durint chés innées soixante, In tant eq foaire-valoér, Krypto foait régulièremint partie d'chés avintures ed Superboy pi parfoés ed chelles ed Superman. Il est l'héros princhipal ed chertaines bindes à dessins ainchi eq del série animée Kryptoech superkien dousqu' aparoait égalemint Ace, ech kien ed Bruce Wayne / Batman.
Beppo ech super-sinche aparoait dins l'histoère The Super-Monkey from Krypton! dins Superboy #76 d'octobe 1959. Il arive pusieus innées après Kal-El. Peu ed comics li sont consacrés.
Superman mène eune lute sins fin contre ed très nombreus adversaires, qu'il s'agisse ed Lex Luthor, qui déteste ech dseuronme incarné dins Superman, ed criminels à superpouvoérs conme Metallo, ech Parasite o Livewire, o incore d'estratérestes conme Brainiac, ech Général Zod o Darkseid, qui désirette conquérir l'Tière.
Bud Collyer, intarprète ed Superman dins eune série radiofonique.
In 1940 Superman dvint ech héros d'eune série radiofonique intarprétée pèr Bud Collyer dins ch' role princhipal. Chole série est diffusée dousqu'in 1951.
In 1942, chés avintures ed Superman sont adaptées dsous l'forme d'un roman intitulé The Adventures of Superman (novel) écrit pèr George Lowther pi ilustré pèr Joe Shuster pi sin studio.
In 1966, Superman est l'héros d'eune comédie musicale lonmé It's a Bird... It's a Plane... It's Superman (litt. Ch'est un osieu, ch'est un avion, ch'est Superman) écrite pi composée pèr Lee Adams pi Charles Strouse aveuc eune mise in schène ed Harold Prince. Il s'agit del prumière comédie musicale mettant in schène un super-héros.
1948 : Superman, serial in 15 épisodes réalisé pèr Spencer Gordon Bennett pi Thomas Car, intarprété pèr Kirk Alyn pi Noel Neill.
1950 : Atom Man vs. Superman, serial in quinze parties intarprété pèr Kirk Alyn, Noel Neill pi Lyle Talbot. Mason Alan Dinehart est Clark infant, pi Ralph Hodges est sin incarnacion adolescinte.
1951 : Supermanpi chés Nains ed l'infer (Superman and the Mole Men), film intarprété pèr George Reeves pi Phyllis Coates. Jeffrey Silver incarne chele version ado.
Christopher Reeve y incarne ech parsonnage ed Superman à quate érprises :
Superman (1978) ; In peut auchi voiér Lee Quigley qui jue Clark infant, Aaron Smolinski un peu pus vieu, pi Jeff East (voés foaite pèr Christopher Reeve) pour chele version adolescinte.
Superman 2 (1980) ;
Superman 3 (1983) ;
Superman 4 (1987).
Superman 2: The Richard Donner Cut (2006, sorti directemint in vidéo) ; étint impossibe d'effectuer d'chés reshoots, il est utilisé d'chés ‘cut’ d’origine pi meume d'chés screen tests intre Christopher Reeve pi Margot Kidder (tournés aveuc Richard Donner avint ed s'foaire évincer) pour compléter ch' montage aveuc d'chés séquinches issues del version ed Richard Lester (Superman 2 ed 1980). In note ch' retour ed Marlon Brando.
Superman Returns (2006), suite ed Superman 2. Brandon Routh incarne à sin tour ch' parsonnage ed Superman. Stephan Bender o incarné chele version adolescinte.
Man of Steel est sorti l' 14 ed join 2013 à chés Étots-Unis pi l' 19 ed join 2013 in Franche aveuc l'acteu inglé Henry Cavill dins ch' role-tite. Ech film est réalisé pèr Zack Snyder (Watchmen :Chés Gardiens, 300, Sucker Punch) pi produit pèr Christopher Nolan (trilogie The Dark Knight). Che film, annonché pèr DC Comics dès 2010, est un érnouviau total del franchise pi devoait ète ch' prumier d'eune trilogie. Il y o auchi d'autes versions dech parsonnage incarné pèr Cooper Timberline (9 ans) pi Dylan Sprayberry (13 ans).
Batman v Superman : L'Aube del justiche, initialemint prévu pour 2015, est sorti l' 25 d'marche 2016 à chés Étots-Unis (l' 23 d'marche 2016 in Franche). Il met ed nouviau in schène Henry Cavill dins ch' role-tite. Cette foés-chi il est confronté à Batman qui est intarprété pèr Ben Affleck. Che second opus ed l'onme d'achié pose chés prumières pierres ed Chele Ligue d'chés Justichiers.
Justice League sorti in 2017. Il met ed nouviau in schène Henry Cavill dins ch' role-tite.
Zack Snyder's Justice League sorti in 2021. Il met ed nouviau in schène Henry Cavill dins ch' role-tite.
Black Adam sorti in 2022. Henry Cavill foait un caméo dins ch' film.
Pour ch' film The Flash, sorti in 2023, aparoaissette pusieus Superman : Nicolas Cage, Christopher Reeve, Henry Cavill pi George Reeves.
Un novel univers chinématografique débute insuite in 2025. Ech prumier chapite, Chapter 1 - Gods and Monsters, débutera aveuc Superman écrit pi réalisé pèr James Gunn et pi prévu in 2025.
Superman ed James Gunn, incarné pèr David Corenswet
Eune RCA CT-100, chele prumière télévision couleu commercialisé vindu à 4 400 eximploaires à partir d'avri 1954, aveuc ech générique d'un dessin animé Superman.Ed 1941 à 1942, Superman est l'héros d'eune série ed courts-métrages d'animacion réalisée pèr chés Studios Fleischer, pi projetés in avint-programme dins chés chinémas à chés Étots-Unis. Ches films contribuoette parfoés à chele propagande liée à chele Seconde Djérre mondiale. Il y combat l'ennemi japoné, moais auchi d'chés savants fous à Metropolis.
Ed 1973 à 1986 Superman foait partie del série télévisée d'animacion Le Plein de super produite pèr Hanna-Barbera pi diffusée pèr ch' résiau améritchain ABC.
In 1988 sort un dessin animé in 13 épisodes simplemint apelé Superman.
À partir ed 1996, Superman aparoait dins d'chés dessins animés dech DC Animated Universe in tant eq seul héros (dins Superman, l'Angeed Metropolis, Superman : L'onme ed dmain) o à chés cotés d'autes super-héros ed l'éditeu DC (dins Chele Ligue d'chés justichiers) tels eq Batman, Green Lantern, Wonder Woman, Flash, etc.
The Batman : il aparoait o chele fin del saison 4 pi dvint important dins chertains épisodes del saison 5.
Il o foait d'chés aparicions dins Kryptoech superkien.
À partir ed 2006, in l'értrouve in parsonnage princhipal dins Chele Léginde d'chés super-héros.
In l'voét auchi dins pusieus épisodes ed Batman : L'Allianche d'chés héros.
Infin in 2010, il aparoait dins ch' dessin animé Chele Ligue d'chés justichiers : Novèle Généracion.
Dins un épisode del série Private Snafu apelé Snafuperman, ech héros reçoit chés pouvoérs ed Superman.
Teen Titans Go!
DC Super Friends
Justice League Accion
Superman aparoait dins chele série d'animacion pour adulte Harley Quinn dins laquelle l'acteu James Wolk li prète s'voés.
Chés Avintures ed Superman (1952-1958). Chele série télévisée d'chés innées 1950 montroait chés avintures ed l'onme d'achié dins un aspect proche ed chelui del BD del meume époque. Ech parsonnage princhipal étoait intarprété pèr George Reeves.
Dins Superboy (1988-1992), John Haymes Newton jue ch' role ed Clark Kent ed 1988 à 1989, pi Gerard Christopher ed 1989 à 1992. Il y eut auchi Aaron Schnett qui incarne un Superman ed troés ans pus vieux dins un épisode, pi Ron Ely incarnoait eune version pus vieille d'un univers alternatif dins un épisode.
Loïspi Clark : Chés Novèles Avintures ed Superman (1993-1997). Cette série est chintrée dseur chele relacion intre Clark Kent (Dean Cain) pi Lois Lane (Teri Hatcher) à partir ed l'ingagemint dech prumier ach Daily Planet d'Metropolis. Dins cette meume série, chele date dech 17 d'moai 1966 est indiquée pèr ech père adoptif dech héros conme étint chelle ed l'arivée dseur Tière ed superman-infant.
Dins Smallville (2001-2011), Tom Welling jue ch' role ed Clark Kent. Chele jeunesse ed Superman est racontée dins chele série qui suscite pusieus controverses. Al mélinge efficacemint chés deus origines ed Superman (ainchi eq chele BD Superboy d'chés innées 1940) tot in y ajoutant d'chés élémints nouviaus conchernant chele mitologie kryptonienne, ainchi eq d'chés parsonnages inédits. D'chés parsonnages tels eq l'Archer Vert, Supergirl, Aquaman obin incore Impulse aparoaissette dins queques épisodes.
Krypton (2018-2019) : Superman n'aparoait pos dins chele série moais al értrache l'histoère ed ses anchètes.
Dins chés séries ed l'Arrowverse :
Supergirl (edpuis 2016) : Chele série, qui est chintrée dseur s'cousine, montre dins l'prumière saison d'chés aparicions furtives ed Superman (incarné pèr eune doublure, Kevin Caliber pour ch' pilote, pi in imaches ed sintèse). In l'voét uniquemint ed dos obin à conte-jor pi ils n'communiquette insimbe eq pèr messaches. Dès chele deusième saison, ch' parsonnage comminche à foaire ed véritabe aparicion dins chele série, intarprété pèr Tyler Hoechlin.
In pus ed Tyler Hoechlin, Brandon Routh érprind ech Superman qu'il intarpréteroait dins Superman Returns dins un arc inspiré ed Kingdom Come pour ch' crossover Crisis On Infinite Earths. Tom Welling reprind égalemint ch' role dech Clark Kent ed Smallville pour ch' crossover.
Superman & Lois (2021-) : Tyler Hoechlin jue ch' role ed Clark Kent/Superman pi Bitsie Tulloch jue ch' role ed Lois Lane. Chele série raconte chés avintures ed Clark Kent/Superman pi Lois Lane dins leu vie professionnelle agitée pi leu vie familiale in tant eq jonnes parints.
2006 : Justice League Heroes: The Flash, mettant in schène Flash qui peut apeler Superman pi d'autes mimbres del Ligue ed justiche d'Anmérike pour l'aider.
In 2017, l'artisse franchoés Léo Caillard créè eune éscultchure dech busse ed Superman, in résine pi poude ed marbe, dseur ch' modèle d'chés busses escultchtés ed l'Antitchitè clachique. Il o obtenu pour cela l'autorisacion del moaison d'édicion. Cette euve est esposée in 2019 ach musée Saint-Raymond, musée d'chés Antiques d'Toulouse dins ch' cade ed l'esposicion timporaire Age of Classics ! L'Antiquité dins chele cultchure pop. Chele muséografie espose che busse pi cheus ed Wonder Woman et pi ed Captain America (créès dins chele meume forme) à coté ed chelui d' Marc-Aurèle cuirassé.
Ed nombeuses études portent dseur Superman, sin impact pi sin role simboliques à chés Étots-Unis pi dins ch' resse dech monde. Umberto Eco, pèr eximpe, examine chés qualités mitologiques dech parsonnage.
