Tashkent
Tashkent atau Toshkent adolah ibu kota jo kota tagadang nagara Uzbekistan.[1] Kota ko marupokan kota tapadek di Asia Tangah, jo panduduaknyo labiah dari 3 juta jiwa pado 1 April 2024.[2] Tashkent talatak di timur lauik nagara, dakek parbatasan jo Kazakhstan. Kota ko manjadi pusek pamarentahan, ekonomi jo budaya nagara.
Tashkent patamo kali diunyi antaro abaik ka-5 jo ka-3 SM sabagai oasis di sungai Chirchik, dakek kaki Pagunuangan Tian Shah Barat. Pado zaman dahulu, daerah ko marupokan tampek tingga Beitian, nan mungkin marupokan “ibu kota” musim angek konfederasi Kangju.[3] Sabalum pangaruah Islam pado patangahan abaik ka-8, budaya Sogdiana jo Turkik mandominasi. Kamudian kota tu barado di bawah babagai panguaso Islam[4] hinggo jatuah ka tangan Mongol pado abaik ka-13. Kota tu dikuasoi dek babagai banso hinggo dirabuik dek Kakaisaran Rusia pado tahun 1865.[5] Tashkent kamudian manjadi ibu kota RSS Otonom Turkestan nan kamudian baganti jo RSS Uzbekistan pado tahun 1930. Baru pado tahun 1991, kota tu manjadi ibu kota Uzbekistan katiko Uni Soviet runtuah.[6]
Rujuakan
[suntiang | suntiang sumber]- ↑ Marco, Pasquale De (2025-03-16) (dalam bahaso en). Spices and Silks: Along the Silk Road in Uzbekistan. Pasquale De Marco. https://books.google.co.id/books?id=YuVOEQAAQBAJ&pg=PA34&dq=history+of+Tashkent&hl=id&newbks=1&newbks_redir=0&source=gb_mobile_search&ovdme=1&sa=X&ved=2ahUKEwj3iNiYva-NAxWrcWwGHZI5C1kQ6AF6BAgGEAM#v=onepage&q=history%20of%20Tashkent&f=false.
- ↑ "Urban and rural population by district" (PDF) (dalam bahasa Uzbek). Tashkent City department of statistics.
- ↑ Pulleyblank, Edwin G. "The Consonantal System of Old Chinese," Asia Major 9 (1963), p. 94.
- ↑ O. G. Bol'shakov. Istoriya Khalifata, t. 4: apogey i padeniye. — Moskva: «Vostochnaya literatura» RAN, 2010
- ↑ "Tashkent | History, Map, Pronunciation & Facts | Britannica". www.britannica.com (dalam bahasa Inggris). 2025-04-27. Diakses tanggal 2025-05-19.
- ↑ "Tashkent". Britannica Kids (dalam bahasa Inggris). Diakses tanggal 2025-05-19.