Universidade de Lleida

Universidade de Lleida
Tipo	universidade pública, editor de acceso aberto e organización educativa
Orzamento	109.903.300,15 €
Persoas e organizacións
Fundador/a	Xaime II de Aragón
Reitor/a	Jaume Puy (pt)
Número de membros	1.250, 1.197 e 544
Número estudiantes	10.674, 10.625 e 11.089
Datas
Fundación	1300
Localización
41°36′53″N 0°37′11″L
Estado	España
Comunidade autónoma	Cataluña
Provincia	Provincia de Lleida
Ámbito funcional territorial	Ponent
Comarca	Segrià
Concello	Lleida
Localización	Lleida
Sede	Lleida
Membro de
Membro de (maio de 2022)  Conferencia de Rectores de las Universidades Españolas  Associació Catalana d'Universitats Públiques (pt)  Unión de Editoriais Universitarias Españolas  Asociación de Universidades Europeas  Rede Vives de Universidades  Coalición para o Avance da Avaliación da Investigación
Contacto
Páxina WEB	udl.cat…
Redes
[ Wikidata ] [ C:Commons ]

Edificio do reitorado.

Campus de Cappont

A Universidade de Lleida (en catalán e oficialmente: Universitat de Lleida), coñecida co acrónimo UdL, é unha universidade española situada na cidade de Lleida. É herdeira do medieval Estudi General, a universidade máis antiga de Cataluña e da antiga Coroa de Aragón, así como a terceira máis antiga de España tras a histórica de Palencia e a de Salamanca.

Historia

A actual universidade, creada por lei en 1991, é herdeira da institución fundada por Xaime II de Aragón no ano 1300 (século XIII), co nome de Estudi General (Studium Generale), grazas a unha bula pontificia de Bonifacio VIII outorgada en 1297.

Co nacemento do Estudi General aparecía en Lleida un barrio universitario onde chegaban estudantes procedentes de toda a Coroa de Aragón e doutros moitos territorios, o que, do mesmo xeito que ocorre na actualidade, proporcionaba á cidade un ambiente de especial vitalidade. Por outra banda, estudantes e profesores formaban unha comunidade distinguida con importantes privilexios e inmunidades, coa igrexa parroquial de Sant Martí como lugar emblemático das celebracións solemnes, e co apoio económico do municipio e do Capítulo Catedralicio.

Na segunda metade do século XVII as universidades en España vivían un período de decadencia que continuaría ata o reinado de Filipe V, xa no século XVIII. Nesa época, e unha vez finalizada a Guerra de Sucesión, os reformadores borbónicos decidiron clausurar todas as universidades catalás: Barcelona, Xirona, Lleida, Tarragona, Tortosa, Vic e Solsona. Ao mesmo tempo, a 70 km ao leste de Lleida, crearon a Universidade de Cervera en agradecemento ao apoio desta cidade a Filipe de Anjou, a diferenza doutras, como Lleida ou Barcelona, partidarias desde o primeiro momento do arquiduque Carlos de Austria. A nova universidade foi creada o 11 de maio de 1717. Unha Real Cédula datada o 9 de outubro do mesmo ano ordenou o peche do antigo Estudi General de Lleida, logo de 417 anos de prolongada existencia e o do resto das universidades de Cataluña.

Centros universitarios

Existen cinco campus universitarios:

• Campus de Cappont. Carrer Jaume II:
  • Facultade de Dereito e Economía.
  • Escola Politécnica Superior.
  • Facultade de Ciencias da Educación.
• Campus estrada de Huesca. Avenida Alcalde Rovira Roure:
  • Escola Técnica Superior de Enxeñería Agraria (ETSEA)
• Campus Rambla d'Aragó: Pl. Víctor Siurana:
  • Facultade de Letras.
• Campus de Ciencias da saúde. Av. Rovira Roure:
  • Facultade de Medicina.
  • Facultade de Enfermería.
• Campus de la Partida de la Caparrella

Ademais hai catro centros adscritos á Universidade de Lleida:

• Instituto Nacional de Educación Física de Catalunya (INEFC). Partida de la Caparrella, s/n 25192 Lleida.
• Escola Universitaria de Relacións Laborais. C. Henri Dunant, 3 25003 Lleida.
• Escola Universitaria de Turismo Terres de Lleida. C. Henri Dunant, 3 25003 Lleida.
• Escola Universitaria de Turismo dos Pireneos. C. Castellciutat 25700 La Seu d'Urgell.

Véxase tamén

Ligazóns externas

• Sitio web oficial (en catalán)