Cúbito

Cúbito
ulna
Subclase de	óso do brazo, óso longo, entidade anatómica particular, óso humano e óso endocondral
Parte de	set of bones of free part of upper limb (en)
Localización anatómica	antebrazo
Conéctase con	corda oblicua, membrana interósea do antebrazo, articulación úmeroulnar e úmero
Composto por  Cabeza do cúbito  body of ulna (en)  apófise coronoide cubital  olécranon  Cavidade sigmoide maior do cúbito
Descrito pola fonte
Descrito pola fonte Anatomía de Gray (20ª edición) (páxina(s): 214) Dicionario Enciclopédico Brockhaus e Efron Grande Enciclopedia Soviética (1926—1947)
Identificadores
MeSH	D014457
Thesaurus do NCI	C12809
Terminologia Anatomica 98	A02.4.06.001
[ Wikidata ] [ C:Commons ]

O cúbito ou ulna é un óso do membro superior humano, localizado na parte interna do antebrazo. Trátase dun óso longo.

Estrutura

O cúbito é un óso longo que consta dunha epífise proximal, unha diáfise e unha epífise inferior.

Epífise superior

Presenta dúas apófises, a coronoide e a olecraniana. A apófise coronoide é anterior e horizontal. Ten forma triangular, cunha base, vértice, superficie superior e inferior e dous bordos, interno e externo. A superficie superior é unha superficie articular relacionada co cóbado, a superficie inferior permite a inserción do músculo braquial anterior. Os bordos permiten a inserción de ligamentos do cóbado. A base é o punto polo que se une ao resto do óso.

A apófise olecraniana é posterior e vertical. Ten unha superficie anterior, unha posterior, unha base, un vértice e dous bordos laterais. A superficie anterior é unha superficie articular do cóbado, namentres que a posterior serve de inserción para o músculo tríceps braquial e o ligamento posterior do cóbado. A base sérvelle de unión co resto do óso. Esta apófise introdúcese na fosa olecraniana do úmero en extensión máxima.

Diáfise

Ten tres superficies e tres bordos. Na parte máis inferior permite a inserción do músculo pronador cadrado. Na superficie posterior insírese o abdutor curto do primeiro dedo.

Epífise inferior

Na parte interna presenta unha superficie para a articulación co radio (articulación radiocubital inferior). Na parte inferior insírese o ligamento triangular do pulso.

Articulacións

O cúbito artéllase con varios ósos do membro superior. Superiormente artéllase co úmero constituíndo a articulación umerocubital, que forma parte do cóbado. Na epífise superior artéllase tamén co radio, formando a articulación radiocubital superior. Na epífise inferior artéllase outra vez co radio.