Volotea
| Volotea | |
|---|---|
| V7 - VOE | |
 | |
| Datuak | |
| Mota | erakundea |
| Herrialdea | Espainia |
| Jarduera | |
| Kidetza | Airlines for Europe |
| Agintea | |
| Egoitza nagusi | |
| Historia | |
| Sorrera | 2011 |
| Sorlekua | Asturiasko aireportua |
webgune ofiziala    | |
Volotea (IATA: V7, NAZE: VOE) Asturiasen egoitza nagusia duen Espainiako kostu baxuko airelinea bat da.[1] Carlos Muñoz eta Lázaro Roz enpresaburuek sortu zuten 2011n, aurretik Vueling airelinea sortu zuten sortzaile berak, eta 2012ko apirilaren 5ean hasi zituen operazioak. Euskal Herrian Bilboko eta Biarrizko aireportuetan operatzen du.
Voloteak A kategoriako Hegazkin Operatzaileen Ziurtapena dauka, Espainiako Aire Segurtasuneko Estatu Agentziak (AESA) emana.[2] Ziurtapen horrek bidaiariak, zamak eta posta garraiatzeko baimena ematen dio, 20tik gorako bidaiarientzako hegazkinetan.
2017ko irailean 875 langile zituen.
Historia
[aldatu | aldatu iturburu kodea]Konpainia hiru arrisku kapital entitatek parte hartua da, horietatik bi europarrak eta hirugarrena, CCMP Capital, Estatu Batuarra. Azken honen presidentea, Greg Brenneman, Volotearen presidente ere da, eta aurretik Continental Airlines airelinearen presidente ere izan zen.[3] Konpainia 30 milioi euro baino gehiagoko kapitalarekin jaio zen.[4]
Airelinea zerbitzu ematen hasi aurreko hilabeteetan kontratazio prozesuen inguruan polemika sortu zen.[5] Behin operazioak hasita, Voloteak 230 lanpostu zuzen sortu zituen, aire tripulazioa, lurreko eta administrazio pertsonala gehituta, 5.000 hautagaitza baino gehiago jaso zituela.[6]
2012an Europa mailan hazkuntza handieneko airelinea izan zen, hasierako bi hilabeteetan 72 ibilbide eskainita. Hori dela eta, hegazkin sektorearen inguruko anna.aero argitalpenak Volotea saritu zuen.[7]
Aktibitatea hasi eta hilabete gutxira hegaldi batzuen ezeztapena gertatu zen, konpainiaren arabera udako sasoian aireportuen libre egoteko arazoak zirela medio.[8]
2017ko urriaren 19an administrazio kontseiluak egoitza soziala Bartzelonatik Asturiasko Printzerrira mugitzea erabaki zuen, non 2012tik operatzen duen eta garai hartan airelineak Espainian zuen aireportu base bakarra zegoen.
Flota
[aldatu | aldatu iturburu kodea]Voloteak Boeing konpainiarekin hitzarmena du sinatuta, Boeing 717 hegazkinak alokatzeko. 2018ko ekainean Voloteako flota hurrengo hegazkinez osatuta dago:[9]
| Hegazkina | Kopurua | Eskaerak | Bidaiariak | Oharrak |
|---|---|---|---|---|
| Boeing 717-200 | 17 | 125 | Boeing hegazkin fabrikatzaileari alokatuta | |
| Airbus A319 | 13 | 150 | ||
| Boeing 737-500 | 1 | 132 |
Erreferentziak
[aldatu | aldatu iturburu kodea]- ↑ (Gaztelaniaz) El Comercio. «Volotea traslada su sede social a Asturias» (kontsulta data: 2018-06-30).
- ↑ (Gaztelaniaz) AESA. «Compañías de transporte aéreo españolas tipo A».
- ↑ Harvard Business Review on Crisis Management: "Right Away and All at Once: How We Saved Continental"
- ↑ (Gaztelaniaz) «La 'low cost' Volotea consigue más de 30 millones para despegar» Expansión (kontsulta data: 2018-06-30).
- ↑ content. Los mil líos de la low cost Volotea antes de despegar. (kontsulta data: 2018-06-30).
- ↑ (Gaztelaniaz) ABC. «Volotea crea 230 puestos de trabajo en su primera temporada de operaciones - ABC.es - Noticias Agencias» ABC (kontsulta data: 2018-06-30).
- ↑ (Ingelesez) «EURO ANNIES 2012: Airline Awards | anna.aero» anna.aero 2012-05-17 (kontsulta data: 2018-06-30).
- ↑ Zaragoza, I. M.. «Volotea cancela diez vuelos y recibe las primeras quejas» heraldo.es (kontsulta data: 2018-06-30).
- ↑ «Volotea Airlines Flota | Airfleets aviación» www.airfleets.es (kontsulta data: 2018-06-30).
