Wareformati

Wareformati ni jina la watawa wa mashirika mbalimbali waliofuata urekebisho (kwa Kiingereza: "reform"). Ndiyo sababu waliitwa Wareformati.

Wafransisko Wareformati

Fransisko wa Asizi alivyochorwa na Luca Giordano.

Kwa mfano, katika karne ya 16 Ndugu Wadogo wa Italia waliokuwa hawajajiunga na Wakapuchini lakini walipenda maisha magumu zaidi kadiri ya kanuni ya Fransisko wa Asizi waliruhusiwa kuenda kuishi pamoja katika konventi za urekebisho.

Ndugu waliojikusanya katika makao ya upwekeni kuanzia mwaka 1535 (mkutano mkuu wa shirika ulipowaruhusu ili kuzuia wengine wengi wasiwakimbilie Wakapuchini ), kisha kuongezeka waliwekwa moja kwa moja chini ya Mtumishi mkuu tu (1579), wakapewa katiba maalumu (1595), ruhusa za pekee sana (1596), hatimaye Kiongozi mkuu na mkutano mkuu wa kwao. Hivyo mamlaka ya Mtumishi wa OFM kwao ikawa jina tu.

Mwaka 1762 Wareformati walifikia kuwa 19.000 hivi.

Kati yao hadi kipindi hicho tunawakuta watakatifu mabradha watatu: Benedikto Mwafrika (+1589), mtoto wa watumwa huko Italia, Mwafrika wa kwanza kutangazwa mtakatifu, Umile wa Bisignano (+1637), mnyenyekevu ajabu, na Karolo wa Sezze (+1670), aliyeandika vizuri sana kuhusu maisha ya kiroho; halafu mapadri Pasifiko wa San Severino (+1721), aliyezingatia sana maisha ya sala, na Leonardo wa Portomaurizio (+1751), tunda bora la Kirekebisho kilichoanzia mjini Roma karne ya 17. Pia walipatikana wenye heri 4.

Marejeo

• Guerrino Pelliccia e Giancarlo Rocca (curr.), Dizionario degli Istituti di Perfezione (DIP), 10 voll., Edizioni paoline, Milano 1974-2003. (Kiitalia)
• Georg Schwaiger, La vita religiosa dalle origini ai nostri giorni, San Paolo, Milano 1997. ISBN 978-88-215-3345-7. (Kiitalia)

Makala hii kuhusu Kanisa Katoliki bado ni mbegu. Je, unajua kitu kuhusu Wareformati kama historia yake au maelezo zaidi? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.