Saltar ao contido

Xunta de Galicia

Na Galipedia, a Wikipedia en galego.
(Redirección desde «Xunta»)
Xunta de Galicia
Tipogoberno autonómico e axencia gobernamental Editar o valor en Wikidata
Persoas e organizacións
Cargo dirixentepresidencia da Xunta de Galicia Editar o valor en Wikidata
Actividade
Campo de traballogoberno Editar o valor en Wikidata
Data
Fundación1981 Editar o valor en Wikidata
Localización
Mapa
 42°53′20″N 8°32′02″O / 42.88894, -8.534
EstadoEspaña
Comunidade autónomaGalicia
Provinciaprovincia da Coruña
ConcelloSantiago de Compostela Editar o valor en Wikidata
PaísEspaña Editar o valor en Wikidata
EnderezoPraza do Obradoiro, 15705 Editar o valor en Wikidata
SedeSantiago de Compostela Editar o valor en Wikidata
Área de operaciónGalicia Editar o valor en Wikidata
XurisdiciónGalicia Editar o valor en Wikidata
Contacto
Páxina WEBxunta.gal Editar o valor en Wikidata
RedesFacebook: xuntadegalicia Twitter: xuntadegalicia Youtube: UCD9wQPT5jGybrYPmD8sGuWw Editar o valor en Wikidata
[ Wikidata ] [ C:Commons ]

A Xunta de Galicia é o órgano colexiado de goberno de Galicia, tal e como aparece definido no Estatuto de Autonomía de Galicia de 1981. Está composta pola presidencia, a ou as vicepresidencias e mais os conselleiros. As vicepresidencias e os conselleiros noméanse desde a presidencia. Esta ten a sede no Pazo de Raxoi en Compostela.

Atribucións e funcionamento

[editar | editar a fonte]

A Xunta regula os seus propios tributos, elabora as normas para xestionar os impostos estatais e elabora e aplica o orzamento de Galicia. Tamén ten competencias exclusivas, entre as que se atopan as referidas á organización das súas institucións de autogoberno e das comarcas e parroquias rurais como entidades propias de Galicia; ordenación do territorio e do litoral, urbanismo e vivenda; actuacións en relación ás institucións do Dereito Civil galego; normas procesuais e procedementos administrativos que se deriven do específico Dereito galego ou da organización dos poderes públicos; obras públicas; vías férreas, estradas e transporte; portos, aeroportos e heliportos; aproveitamentos forestais, hidráulicos e relativos á enerxía eléctrica; augas minerais e termais; pesca nas rías e augas interiores; feiras e mercados; artesanía, patrimonio artístico, bibliotecas, museos, conservatorios de música e servizos de Belas Artes; fomento da cultura e da investigación; promoción e ensino da lingua galega, do turismo e do deporte; asistencia social; creación dunha Policía Autónoma; réxime das fundacións; casinos, xogos e apostas; centros de contratación de mercancías e valores; confrarías de pescadores e distintas cámaras e normas adicionais sobre a xestión e conservación protección dos ecosistemas.

Historia

[editar | editar a fonte]

A Xunta de Galicia ten a súa orixe na Xunta do Reino de Galicia, creada en 1528 e que perviviría, con algunhas interrupcións, ata 1833. Durante a Guerra da Independencia española, en 1808, crease a Xunta Suprema do Reino de Galicia para dirixir a loita contra Francia e manter a orde pública. A Xunta Suprema asumiu funcións militares, lexislativas e de relacións internacionais até a creación da Xunta Central Española.

En 1843 constituíuse a Xunta Central de Galicia, presidida por Xosé María Suances e oposta á rexencia de Baldomero Espartero. En 1846 produciuse o levantamento do comandante Miguel Solís en Lugo, que disolve o Consello Provincial e a Deputación organizando a Xunta Superior do Goberno de Galicia, presidida por Pío Rodríguez Terrazo e que remataría co fusilamento dos Mártires de Carral.

En 1944, por iniciativa do deputado por Pontevedra Rodríguez Castelao, fundouse en Montevideo o Consello de Galiza, coa intención de dotar á Galicia dun órgano político e goberno no exilio. Lexitimados polo Estatuto de autonomía de 1936, truncado pola Guerra civil española, mais que foi sometido a plebiscito antes desta. Galicia e os seus derradeiros representantes electos seguiron deste xeito o exemplo dos gobernos autónomos de Cataluña e o País Vasco, así como o do propio goberno da República española, exiliado desde a fin da contenda.

Coa fin da ditadura e a aprobación da Constitución española, Galicia foi recoñecida como nacionalidade histórica e grazas ao legado do Estatuto de 1936 foron aprobados o Real Decreto-Lei 7/1978 e o Real Decreto 474/1978 o 16 de marzo de 1978 que designaron á Xunta de Galicia como goberno galego [1].

Alfonso Rueda, presidente da Xunta desde 2022.
Logotipo da Xunta de Galicia.

Presidencia da Xunta de Galicia

[editar | editar a fonte]
Artigo principal: Presidencia da Xunta.

Presidentes da Xunta de Galicia:

Composición actual do Consello da Xunta

[editar | editar a fonte]
Categoría principal: Gobernos de Galicia
Conselleiros da Xunta de Galicia en setembro de 2018, antes das reestruturacións de Feijóo do 2020 e do novo goberno Alfonso Rueda do 2022.

En marzo de 2022, e tras gañar as eleccións ao Parlamento de Galicia de 2020 con maioría absoluta por cuarta vez consecutiva, Alberto Núñez Feijóo anunciou a súa dimisión como presidente da Xunta de Galicia, malia ter máis de dous anos de lexislatura por diante, para asumir o liderado do Partido Popular. Alfonso Rueda Valenzuela, o que fora o seu vicepresidente desde 2009, sucedeuno como presidente da Xunta por designación do propio Núñez Feijóo.

Rueda lograría revalidar a maioría absoluta herdada polo seu predecesor nas eleccións de febreiro de 2024, conformando o seu novo goberno case dous meses despois.

Esta é a composición da Xunta e os seus titulares:[2]

Edificios Administrativos en San Caetano.[4].

Situación

[editar | editar a fonte]
Edificio Central da Xunta de Galicia en Pontevedra.
Delegación da Xunta de Galicia en Vigo.
  • Edificios Administrativos San Caetano
    San Caetano, s/n
    15704 - Santiago de Compostela
  • Pazo de Raxoi
    Praza do Obradoiro.
    15705 - Santiago de Compostela
  • Pazo de Monte Pío
    Rúa do Monte Pío, 44.
    15705 - Santiago de Compostela
  • Sede da Xunta de Galicia na Coruña
    Avda. Salvador de Madariaga, 9
    154781 - A Coruña
  • Sede da Xunta de Galicia en Ferrol
    Praza de España, 2
    15403 - Ferrol
  • Sede da Xunta de Galicia en Lugo
    Ronda da Muralla, 70
    27071 - Lugo
  • Sede da Xunta de Galicia en Ourense
    Avda. da Habana, 79
    32004 - Ourense
  • Sede da Xunta de Galicia en Pontevedra
    Avda. María Victoria Moreno,43
    36003 - Pontevedra
  • Sede da Xunta de Galicia en Vigo
    Rúa Concepción Arenal, 8
    36201 - Vigo

Notas

[editar | editar a fonte]
  1. ↑ Real Decreto-lei 7/1978, polo que se aproba o réxime preautonómico para Galicia (BOE nº 66, de 18.03.1978) [1] Arquivado 01 de febreiro de 2012 en Wayback Machine. e Real Decreto 474/1978, polo que se desenvolve o Real Decreto-lei 7/1978 (BOE nº 66, de 18.03.1978) [2] Arquivado 01 de febreiro de 2012 en Wayback Machine..
  2. ↑ [3]
  3. ↑ "O presidente da Xunta nomea conselleira do Mar a Marta Villaverde Acuña". 2025-06-04. Consultado o 2025-06-04. 
  4. ↑ As obras na Xunta (agora) non fan ruído, Praza Pública, 24 de marzo de 2019.

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Xunta_de_Galicia&oldid=7084938»