1963

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1960; 1961; 1962; 1963; 1964; 1965; 1966;

Árið 1963 (MCMLXIII í rómverskum tölum) var 63. ár 20. aldar og almennt ár sem hófst á þriðjudegi samkvæmt gregoríska tímatalinu.

Atburðir

Janúar

1. janúar:
- Þriðja útvarpsrás Danmarks Radio, P3, hóf útsendingar.
- Bogle-Chandler-málið: Lík tveggja vísindamanna fundust nærri Sydney í Ástralíu án þess að tækist að staðfesta dánarorsök.
2. janúar - Víetnamstríðið: Víetkong unnu sinn fyrsta stóra hersigur í orrustunni um Ap Bac.
13. janúar - Valdaránið í Tógó 1963: Emmanuel Bodjollé varð forseti eftir herforingjabyltingu í Tógó. Fyrrum forsetinn Sylvanus Olympio var skotinn til bana þegar hann reyndi að komast í bandaríska sendiráðið.
14. janúar - Yfir 100 fórust þegar eldur kom upp í indónesísku ferjunni Djandji Raja á Norður-Súmötru.
15. janúar - Friðargæslulið Sameinuðu þjóðanna færði stjórn Katanga aftur til Lýðstjórnarlýðveldisins Kongó.
16. janúar - Níkíta Khrústsjov fór í opinbera heimsókn til Austur-Þýskalands og hélt ræðu við Berlínarmúrinn.
19. janúar - Sovéski njósnarinn Gheorghe Pintilie var settur af sem aðstoðarinnanríkisráðherra Rúmeníu.
20. janúar - Indónesíski utanríkisráðherrann Subandrio lýsti yfir vopnuðum átökum vegna andstöðu við stofnun Malasíu.
22. janúar - Charles de Gaulle og Konrad Adenauer undirrituðu Élysée-samninginn um vinsamleg samskipti Frakklands og Vestur-Þýskalands.
24. janúar - Sænsku ökuþórarnir Erik Carlsson og Ewy Rosqvist sigruðu bæði Monte Carlo-rallýið, hvort í sínum flokki.
26. janúar:
- Ástralski raðmorðinginn Eric Edgar Cooke skaut 2 til bana og særði 3 á Ástralíudeginum í Perth.
- Mohammad Reza Pahlavi Íranskeisari hratt af stað „hvítu byltingunni“, röð efnahagslegra og félagslegra umbóta sem meðal annars fól í sér kosningarétt kvenna.
29. janúar - Frakkar beittu neitunarvaldi gegn inngöngu Breta í Evrópubandalagið.

Febrúar

1. febrúar:
- Hastings Banda var skipaður forsætisráðherra Nýasalands.
- Tvær flugvélar rákust á og önnur þeirra hrapaði niður á fjölmennt torg í Ankara. 87 létu lífið.
- 104 létust þegar þak kapellu hrundi í úrhellisrigningu í Biblián í Ekvador.
8. febrúar:
- Ramadanbyltingin hófst í Írak þar sem Ba'ath-flokkurinn rændi völdum.
- Ríkisstjórn John F. Kennedy bannaði bandarískum borgurum að ferðast til Kúbu.
9. febrúar - Boeing 727 fór í jómfrúarflug sitt.
10. febrúar - Fimm borgir á norðurströnd Kyushu voru sameinaðar í borgina Kitakyushu með yfir milljón íbúa.
11. febrúar - Matreiðsluþáttur Juliu Child, The French Chef, hóf göngu sína á sjónvarpsstöðinni WGBH-TV í Boston.
12. febrúar - Farþegavélin Northwest Orient Airlines flug 705 hrapaði í Everglades í Flórída. Allir um borð, 43, fórust.
14. febrúar:
- Harold Wilson tók við formennsku í Breska verkamannaflokknum.
- Hundruð létust þegar Marj-jarðskjálftinn reið yfir Líbíu.
- Syncom 1 var fyrsta jarðsamtakta gervitunglið en virkaði aldrei sem fjarskiptahnöttur vegna skemmda.
- The Coca-Cola Company setti fyrsta megrunardrykk fyrirtækisins, kóladrykkinn Tab, á markað.
19. febrúar - Bókin The Feminine Mystique eftir Betty Friedan hleypti annarri bylgju femínismans af stokkunum í Bandaríkjunum.
22. febrúar:
- Kennedy Bandaríkjaforseti stofnaði frelsisorðu Bandaríkjaforseta með tilskipun.
- Kína og Pakistan gerðu samning um landamæri ríkjanna milli Xinjiang og Gilgit-Baltistan.
27. febrúar - Juan Bosch varð forseti Dóminíska lýðveldisins.

Mars

Mars - Fyrsta tölublað The Amazing Spider-Man eftir Stan Lee og Steve Ditko kom út.
1. mars - Evrópustofnun um öryggi flugleiðsögu hóf starfsemi.
4. mars - Sex manns voru dæmdir til dauða fyrir banatilræði við Charles de Gaulle forsætisráðherra Frakklands. De Gaulle náðaði 5 en forsprakkinn var leiddur fyrir aftökusveit nokkrum dögum síðar.
5. mars - Bandaríska kántrístjarnan Patsy Cline fórst í flugslysi í Tennessee ásamt hljómsveit og umboðsmanni.
7. mars:
- Pan Am-byggingin (nú MetLife-byggingin), 58 hæða háhýsi, var opnuð í New York-borg.
- Front de libération du Québec framdi sína fyrstu hryðjuverkaárás.
8. mars - Ba'ath-flokkurinn rændi völdum í Sýrlandi.
10. mars - Suður-Ameríkukeppni karla í knattspyrnu hófst í Bólivíu.
16. mars - Maarten Schmidt greindi frá skoðun á dulstirninu 3C 273 í grein í Nature.
17. mars - Eldfjallið Agung gaus á Balí með þeim afleiðingum að 1.500 létust.
21. mars - Fangelsinu á Alcatraz í Bandaríkjunum var lokað.
22. mars - Please Please Me, fyrsta breiðskífa Bítlanna, kom út.
23. mars - Danmörk vann Eurovision með laginu „Dansevise“ sem Grethe og Jørgen Ingmann fluttu.
27. mars - Mikill jarðskjálfti, um sjö stig, átti upptök norður af mynni Skagafjarðar. Skjálftinn fannst víða og flúðu sumir hús sín.
28. mars - Hrollvekjan Fuglarnir eftir Alfred Hitchcock var frumsýnd.
31. mars - Herforinginn Enrique Peralta Azurdia rændi völdum í Gvatemala að undirlagi Bandaríkjastjórnar.

Apríl

2. apríl - Sovétríkin sendu geimfarið Luna 4 til tunglsins.
4. apríl - Norska friðarsveitin var stofnuð.
7. apríl - Júgóslavía var yfirlýst sósíalistaríki og Josip Broz Tito var lýstur forseti til dauðadags.
8. apríl - Kvikmyndin Arabíu-Lawrence hlaut sjö óskarsverðlaun.
9. apríl:
- Aprílhretið: Norðanrok og hörkufrost skall á á Íslandi og fórust sextán sjómenn þennan dag og hinn næsta. Mikið frost gerði eftir hlýindi á Suðurlandi. Mörg tré kólu og drápust.^[1]
- Winston Churchill var gerður að heiðursborgara í Bandaríkjunum.
10. apríl - Bandaríski kjarnorkukafbáturinn Thresher sökk við Þorskhöfða. Allir 129 um borð fórust.
11. apríl:
- Jóhannes 23. páfi gaf út umburðarbréfið Pacem in terris sem fjallaði um friðsamleg samskipti ríkja.
- Buddy Rogers varð fyrsti Heimsmeistari í þungavigt í glímu með sigri á Antonino Rocca í Brasilíu.
14. apríl - Hrímfaxi, vél Flugfélags Íslands, fórst við Fornebu-flugvöll í Ósló í Noregi. Tólf voru um borð og fórust þau öll.
15. apríl - Um 70.000 manns tóku þátt í mótmælagöngu gegn kjarnavopnum í Bretlandi.
17. apríl - Fulltrúar Egyptalands, Sýrlands og Íraks undirrituðu yfirlýsingu um sameiningu ríkjanna í „sameinað arabískt lýðveldi“ sem aldrei varð að veruleika.
20. apríl:
- Front de libération du Québec sprengdu skráningarskrifstofu Kanadahers í Quebec. Einn lést.
- Hellunum í Lascaux í Frakklandi var lokað til að vernda viðkvæm forsöguleg hellamálverk.
22. apríl - Lester Bowles Pearson frá Frjálslynda flokknum varð forsætisráðherra Kanada.
28. apríl - Þingkosningar voru haldnar á Ítalíu í fyrsta sinn með nýju kosningakerfi eftir að Ítalski sósíalistaflokkurinn gekk til liðs við stjórn Kristilegra demókrata. Ítalski kommúnistaflokkurinn tvöfaldaði þingmannafjölda sinn.

Maí

1. maí - Síðasta nýlenda Hollendinga í Austur-Indíum, Vestur-Nýja-Gínea, var afhent Indónesíu.
2. maí - Hundruð svartra Bandaríkjamanna, þar á meðal mörg börn, voru handtekin í Birmingham eftir mótmælagöngu gegn kynþáttaaðskilnaði.
4. maí - Nær 200 pílagrímar frá Maghagha fórust þegar bátur sökk á ánni Níl.
5. maí - Ríkisstjórn Sovétríkjanna viðurkenndi að hafa fundið og fjarlægt brunnar líkamsleifar Adolfs Hitler 18 árum fyrr.
6. maí - Timothy Leary var rekinn úr kennarastöðu sinni við Harvard-háskóla fyrir að missa úr kennslu.
7. maí - Fjarskiptahnötturinn Telstar II var sendur á braut um jörðu.
8. maí - Búddistakreppan hófst í Víetnam eftir að her Suður-Víetnam skaut á hóp búddista sem fagnaði Vesak, fæðingarhátíð Gautama Búdda. Átta létu lífið.
13. maí - Myndasagan Modesty Blaise hóf göngu sína í breska blaðinu Evening Standard.
15. maí - L. Gordon Cooper var síðasti geimfarinn sem mannaði geimfar frá Mercury-áætluninni þegar hann fór 22 sinnum umhverfis jörðina um borð í Faith 7.
20. maí - Armenski stórmeistarinn Tigran Petrosjan varð heimsmeistari í skák eftir sigur á Míkhaíl Botvínník.
22. maí - Gríski stjórnmálamaðurinn Grigoris Lambrakis var myrtur af hægriöfgamönnum í Þessalóniki.
25. maí - Afríska einingarbandalagið var stofnað af fulltrúum 32 Afríkulanda í Addis Abeba.
27. maí - Önnur stúdíóplata Bob Dylan, The Freewheelin' Bob Dylan, með laginu „Blowin' in the Wind“, kom út hjá Columbia Records.
28. maí - Yfir 20.000 fórust þegar fellibylur gekk yfir Austur-Pakistan.
29. maí - Munch-safnið í Osló var opnað.
30. maí - Yfir 500 búddamunkar mótmæltu stjórn Ngô Đình Diệm við þinghúsið í Saígon.

Júní

3. júní:
- Efnaárásin í Huế: Her Suður-Víetnam sprautaði vökva úr táragassprengjum á höfuð mótmælenda. Bandaríkin hættu aðstoð við stjórn Ngô Đình Diệm í kjölfarið.
- 101 fórst þegar Northwest Airlines flug 293 fórst á leið til Anchorage í Alaska.
5. júní - Breski stjórnmálamaðurinn John Profumo sagði af sér eftir kynlífshneyksli.
7. júní - Breska hljómsveitin The Rolling Stones gaf út sína fyrstu smáskífu, með Chuck Berry-laginu „Come on“.
9. júní - Alþingiskosningar voru haldnar á Íslandi.
11. júní:
- Búddamunkurinn Thích Quảng Đức kveikti í sjálfum sér til að mótmæla skorti á trúfrelsi í Suður-Víetnam.
- Fylkisstjóri Alabama, George C. Wallace, stóð sjálfur í dyrum Alabamaháskóla til að varna svörtum nemendum inngöngu.
- James Hardy við Mississippiháskóla framkvæmdi fyrstu lungnaígræðsluna.
13. júní - Gemini-verkefnið, með tveimur geimförum í stað eins, tók við af Mercury-verkefninu sem aðalverkefni NASA á sviði mannaðra geimferða.
15. júní - Franska verslunarkeðjan Carrefour opnaði fyrsta stórmarkaðinn í Evrópu í einu af úthverfum Parísar.
16. júní - Valentína Tereskhova fór í geimferð með sovéska geimskipinu Vostok 6, fyrst kvenna.
17. júní - ASCII-staðallinn var samþykktur af Staðlaráði Bandaríkjanna.
20. júní:
- Beint símasamband milli Moskvu og Washington („rauði síminn“) var samþykkt.
- Sænski flugherforinginn Stig Wennerström var handtekinn fyrir njósnir.
21. júní:
- Erkibiskup Mílanó, Giovanni Battista Montini, var kjörinn páfi eftir lát Jóhannesar 23. og tók sér nafnið Páll 6.
- Charles de Gaulle dró franska flotann úr samstarfi NATO-ríkja.
25. júní - Ísbjörn var skotinn í Hornvík á Vestfjörðum.
26. júní - John F. Kennedy hélt ræðu í Vestur-Berlín og mælti hin fleygu orð „Ég er Berlínarbúi“.
30. júní - Ciaculli-blóðbaðið: Sjö menn létu lífið í sprengjutilræði sikileysku mafíunnar í Palermó.

Júlí

1. júlí - Bandaríska póstþjónustan tók upp samræmd ZIP-númer fyrir allt landið.
4. júlí - Stjórnarskrá Austurríkis var breytt þannig að meðlimir keisarafjölskyldunnar mættu heimsækja landið ef þau afsöluðu sér valdatilkalli.
6. júlí - Kaþólska kirkjan slakaði á banni við bálförum þegar Páll 6. lýsti því yfir að eyðilegging líkamans hefði engin áhrif á sálina.
7. júlí - Suðurvíetnamskar öryggislögreglusveitir undir stjórn Ngô Đình Nhu, bróður forsetans Ngô Đình Diệm, réðust á bandaríska blaðamenn sem fylgdust með mótmælum búddamunka í Saígon.
11. júlí:
- Lögregla réðist inn á Lilliesleaf Farm í Jóhannesarborg og handtók fjölda leiðtoga Afríska þjóðarráðsins.
- Carlos Julio Arosemena Monroy forseta Ekvador var steypt af stóli og Ramón Castro Jijón tók við.
17. júlí:
- Minjasafnið á Akureyri var opnað.
- Fyrsta sænska kjarnorkuverið hóf starfsemi í Ågesta.
18. júlí - Gasverksmiðjan Ísaga við Hlemmtorg í Reykjavík brann. Miklar sprengingar urðu í brunanum og skemmdust nálæg hús.
19. júlí - Bandaríski flugmaðurinn Joe Walker náði 105,9 km hæð í eldflaugaknúnu flugvélinni North American X-15.
21. júlí - Ný Skálholtskirkja var vígð við hátíðlega athöfn. Voru þar saman komnir áttatíu prestar, prófastar, og biskupar.
26. júlí:
- Harður jarðskjálfti varð í Skopje í Júgóslavíu (nú í Lýðveldinu Makedóníu). 1100 manns fórust í skjálftanum.
- Fjarskiptahnötturinn Syncom 2 var sendur á braut um jörðu.
31. júlí - Hryðjuverkahópur sem síðar varð þekktur sem Tupamaros rændi vopnum og skotfærum frá skotfélagi í Montevídeó.

Ágúst

5. ágúst - Bandaríkin, Bretland og Sovétríkin undirrituðu Samning um bann við kjarnavopnatilraunum að hluta.
8. ágúst - Lestarránið mikla: 15 ræningjar rændu póstlest á milli Glasgow og London og náðu 2,6 milljón pundum í reiðufé.
14. ágúst - Yfir 100 fórust í skógareldum í Paraná-fylki í Brasilíu.
15. ágúst - Þrír dýrðardagar: Forseta Lýðveldisins Kongó, Fulbert Youlou, var steypt af stóli eftir þriggja daga uppreisn í Brazzaville.
16. ágúst:
- Tímaritið Iceland Review hóf göngu sína.
- Guðrún Bjarnadóttir, tvítug kona frá Njarðvík, var kjörin Miss International.
19. ágúst - Sæsímastrengurinn Icecan var tekinn í notkun.
21. ágúst - Pagóðuárásirnar í Xá Lợi: Sérsveit suðurvíetnamska hersins, undir stjórn Ngô Đình Nhu, skemmdi búddahof um allt Suður-Víetnam, handtók þúsundir og myrti hundruð manna.
24. ágúst - Fyrstu leikirnir fóru fram í þýsku knattspyrnudeildinni Bundesliga.
28. ágúst - Martin Luther King, Jr. flutti fræga ræðu á tröppum Abraham Lincoln-minnismerkisins þar sem hann mælti hin fleygu orð „Ég á mér draum“.
30. ágúst - Hollenska tæknifyrirtækið Philips kynnti kassettutækið til sögunnar á vörusýningu í Berlín.
31. ágúst - Samvinnubanki Íslands hóf starfsemi í Bankastræti 7 í Reykjavík.

September

1. september - Skipting Belgíu í tungumálasvæði tók gildi.
10. september - Sikileyski mafíuforinginn Bernardo Provenzano var eftirlýstur fyrir morð, en náðist fyrst 43 árum síðar.
11. september - Sjóferðafélag Akureyrar, sem síðar fékk nafnið Nökkvi, var stofnað á Akureyri.
15. september - Fjögur börn létust þegar Ku Klux Klan stóð fyrir sprengjutilræði í kirkju baptista í Birmingham, Alabama.
16. september:
- Lyndon B. Johnson, varaforseti Bandaríkjanna, kom til Íslands í opinbera heimsókn og var vel tekið.
- Malasía var stofnuð við sameiningu Malajabandalagsins, Singapúr, Norður-Borneó og Sarawak.
18. september - Hópur 10.000 mótmælenda kveikti í breska sendiráðinu í Jakarta vegna andstöðu við stofnun Malasíu.
20. september - Í borgarstjórn Reykjavíkur var samþykkt að leyfa kvöldsölu um lúgur til klukkan 22 og borgarráði var heimilað að framlengja söluleyfi til klukkan 23.30 á kvöldin. Rúmur aldarfjórðungur leið þar til sölutími var gefinn frjáls.
21. september - Eiríkur Kristófersson, fyrrverandi skipherra á skipum Landhelgisgæslunnar, var sæmdur bresku heimsveldisorðunni, æðstu orðu Breta, sem erlendir menn geta fengið, fyrir framgöngu sína við björgun breskra sjómanna.
23. september - Badmintondeild KR var stofnuð í Reykjavík.
24. september - Mesta hækkun mjólkurvara sem vitað var um varð á Íslandi, 25%. Næsta dag hækkuðu kjötvörur um þriðjung. Þessar hækkanir urðu þó að verðbólga á ársgrundvelli væri aðeins 14%.
25. september - Juan Bosch var steypt af stóli sem forseta Dóminíska lýðveldisins, og herforingjastjórn tók við völdum.
29. september - Önnur umferð Annars Vatíkansráðsins hófst í Róm.

Október

1. október - Leðurskjaldbaka veiddist í Steingrímsfirði.
1. október - Tímaritið Neisti hóf göngu sína á Íslandi.
4. október - Stormurinn Flora geisaði á Hispaniólu og Kúbu, 7.000 létust í honum.
5. október - Hljómsveitin Hljómar var stofnuð í Keflavík.
5. október - Skemmtistaðurinn Sigtún var opnaður við Austurvöll í Reykjavík.
9. október - Skáldatími eftir Halldór Laxness kom út. Bókin vakti mikla athygli, enda gerir höfundurinn upp við sósíalismann í henni.
23. október - Í Vestmannaeyjum mældist 10 mínútna meðalvindhraði 200 km/klst. Þetta var vindhraðamet á Íslandi og var ekki jafnað fyrr en 3. febrúar 1991, þá einnig í Vestmannaeyjum.
30. október - Fyrsti Lamborghini-bíllinn var framleiddur.

Nóvember

14. nóvember - Surtsey reis úr sjó sunnan við Vestmannaeyjar.
14. nóvember - Bjarni Benediktsson tók við embætti forsætisráðherra. (Ráðuneyti Bjarna Benediktssonar 1963-1970).
22. nóvember - John F. Kennedy, bandaríkjaforseti, var myrtur í Texas. Lyndon B. Johnson, varaforseti tók við.
23. nóvember - Fyrsti þáttur bresku þáttaraðarinnar Doctor Who var sýndur á BBC.
24. nóvember - Lee Harvey Oswald, meintur morðingi John F. Kennedy, var skotinn til bana í haldi lögreglu af Jack Ruby.

Desember

6. desember - Fyrstu menn stigu á land í Surtsey. Voru þar á ferð þrír franskir blaðamenn. Viku síðar komust Vestmannaeyingar til Surtseyjar.
10. desember - Sansibar varð sjálfstætt frá Bretlandi.
12. desember - Kenía varð sjálfstætt frá Bretlandi.
15. desember - Flugfélagið Royal Jordanian var stofnað.
16. desember - Kópavogskirkja var vígð af Sigurbirni Einarssyni.
31. desember - Sambandsríki Ródesíu og Nýasalands leystist upp þegar tveir hlutar þess, Norður-Ródesía og Nýasaland, fengu sjálfstæði frá Bretlandi og urðu að Sambíu og Malaví.

Ódagsettir atburðir

Þjóðvarnarflokkur Íslands var lagður niður.
Reggísveitin Bob Marley and the Wailers var stofnuð.
Rokksveitin The Kinks var stofnuð.
Háskólinn í York var stofnaður á Englandi.

Fædd

3. janúar - Till Lindemann, þýskur söngvari.
7. janúar - Rand Paul, bandarískur stjórnmálamaður.
14. janúar - Steven Soderbergh, bandarískur leikstjóri.
16. janúar - James May, breskur blaðamaður.
17. janúar - Tryggvi Þór Herbertsson, íslenskur stjórnmálamaður.
26. janúar - Andrew Ridgeley, breskur tónlistarmaður.
1. febrúar - Yasuharu Kurata, japanskur knattspyrnumaður.
2. febrúar - Edu Marangon, brasilískur knattspyrnumaður.
5. febrúar - Goran Jurić, króatískur knattspyrnumaður.
17. febrúar - Larry the Cable Guy, bandarískur leikari.
17. febrúar - Michael Jordan, körfuknattleiksmaður.
18. febrúar - Þorsteinn M. Jónsson, íslenskur athafnamaður.
19. febrúar - Slobodan Dubajić, serbneskur knattspyrnumaður.
20. febrúar - Charles Barkley, bandarískur körfuknattleiksmaður.
20. febrúar - Páll Hreinsson, íslenskur dómari.
25. febrúar - Jón Ólafsson, íslenskur tónlistarmaður.
2. mars - Anthony Albanese, ástralskur stjórnmálamaður.
4. mars - Jason Newsted, bandarískur tónlistarmaður.
5. mars - Lotta Engberg, sænsk söngkona.
15. mars - Richard Amos, breskur karatemaður.
15. mars - Bret Michaels, bandarískur tónlistarmaður.
18. mars - Vanessa Williams, bandarísk söngkona.
21. mars - Ronald Koeman, hollenskur knattspyrnumaður.
27. mars - Quentin Tarantino, bandarískur leikstjóri.
31. mars - Áslaug Jónsdóttir, íslenskur barnabókahöfundur.
1. apríl - Joe Wright, bandarískur körfuknattleiksmaður.
6. apríl - Rafael Correa, ekvadorskur stjórnmálamaður.
7. apríl - Ólafur Rafnsson, íslenskur lögfræðingur (d. 2013).
8. apríl - Julian Lennon, enskur tónlistarmaður.
9. apríl - Runólfur Ágústsson, íslenskur lögfræðingur.
13. apríl - Garrí Kasparov, rússneskur stjórnmálamaður og skákmeistari.
15. apríl - Beata Szydło, pólsk stjórnmálakona.
15. apríl - Kristín Guðrún Gunnlaugsdóttir, íslensk myndlistarkona.
25. apríl - David Moyes, skoskur knattspyrnustjóri.
26. apríl - Jet Li, kínverskur leikari.
10. maí - Ziad Tlemçani, túnískur knattspyrnumaður.
18. maí - Davíð Tencer, slóvakískur biskup.
22. maí - Steindór Ívarsson, íslenskur rithöfundur.
25. maí - Mike Myers, kanadískur leikari.
30. maí - Nasrin Sotoudeh, íranskur mannréttindalögfræðingur.
31. maí - Viktor Orbán, ungverskur stjórnmálamaður.
9. júní - Johnny Depp, bandarískur leikari.
10. júní - Jeanne Tripplehorn, bandarísk leikkona.
13. júní - Félix Tshisekedi, kongóskur stjórnmálamaður.
18. júní - Rumen Radev, búlgarskur herforingi.
22. júní - Guðrún Gunnarsdóttir, íslensk söngkona.
23. júní - Jóhamar, íslenskur rithöfundur.
25. júní - George Michael, breskur tónlistarmaður (d. 2016).
25. júní - Yann Martel, kanadískur rithöfundur.
27. júní - Jay Karnes, bandarískur leikari.
8. júlí - Rocky Carroll, bandarískur leikari.
13. júlí - Kenny Johnson, bandarískur leikari.
16. júlí - Fatboy Slim, breskur tónlistarmaður.
17. júlí - Ólafur Þór Gunnarsson, íslenskur stjórnmálamaður.
24. júlí - Karl Malone, bandarískur körfuknattleiksmaður.
29. júlí - Jón Gústafsson, íslenskur dagskrárgerðarmaður.
1. ágúst - Coolio, bandarískur rappari (d. 2022).
3. ágúst - James Hetfield, söngvari og lagahöfundur bandarísku hljómsveitarinnar Metallica.
3. ágúst - Graham Arnold, ástralskur knattspyrnumaður.
6. ágúst - Kevin Mitnick, bandarískur tölvuþrjótur (d. 2023).
9. ágúst - Whitney Houston, söngkona, lagahöfundur, leikkona og framleiðandi (d. 2012).
9. ágúst - Jay Leggett, bandarískur leikari (d. 2013).
12. ágúst - Sveinn Andri Sveinsson, íslenskur lögfræðingur.
14. ágúst - Meinolf Finke, þýskt skáld.
15. ágúst - Alejandro González Iñárritu, mexíkóskur kvikmyndagerðarmaður.
23. ágúst - Park Chan-wook, suðurkóreskur leikstjóri.
24. ágúst - Yrsa Sigurðardóttir, íslenskur verkfræðingur og rithöfundur.
25. ágúst - Ævar Örn Jósepsson, íslenskur blaðamaður.
6. september - Geert Wilders, hollenskur stjórnmálamaður.
6. september - Ivan Hašek, tékkneskur knattspyrnumaður.
6. september - Sverrir Stormsker, íslenskur tónlistarmaður.
19. september - David Seaman, enskur knattspyrnumaður.
20. september - Guðmundur Árnason, íslenskur stjórnmálamaður.
28. september - Luis Arce, bólivískur stjórnmálamaður.
1. október - Pekka Salminen, finnskur körfuknattleiksmaður.
2. október - Maria Ressa, filippeysk-bandarískur blaðamaður.
2. október - Björk Vilhelmsdóttir, íslensk stjórnmálakona.
6. október - Thomas Bickel, svissneskur knattspyrnumaður.
6. október - Elisabeth Shue, bandarísk leikkona.
20. október - Julie Payette, kanadískur geimfari.
28. október - Lauren Holly, bandarísk leikkona.
31. október - Dunga, brasilískur knattspyrnumaður.
31. október - Rob Schneider, bandarískur leikari.
31. október - Guðmundur Franklín Jónsson, íslenskur athafnamaður.
1. nóvember - Logi Gunnarsson, íslenskur heimspekingur.
1. nóvember - Mark Hughes, enskur knattspyrnustjóri.
5. nóvember - Yair Lapid, ísraelskur stjórnmálamaður.
5. nóvember - Hans Gillhaus, hollenskur stjórnmálamaður.
15. nóvember - Toru Sano, japanskur knattspyrnumaður.
18. nóvember - Peter Schmeichel, danskur knattspyrnumaður.
21. nóvember - Peter Bosz, hollenskur knattspyrnumaður.
24. nóvember - Kristín Helga Gunnarsdóttir, íslenskur rithöfundur.
26. nóvember - Kristján Logason, íslenskur ljósmyndari, ljóðskáld, listamaður.
7. desember - Mark Bowen, velskur knattspyrnumaður.
8. desember - Lee Jae-myung, suðurkóreskur stjórnmálamaður.
15. desember - Cristiana Oliveira, brasilísk leikkona.
17. desember - Jón Kalman Stefánsson, íslenskur rithöfundur.
18. desember - Brad Pitt, bandarískur leikari.
27. desember - Claus Meyer, danskur athafnamaður.
29. desember - Ulf Kristersson, sænskur stjórnmálamaður.
30. desember - Mike Pompeo, bandarískur stjórnmálamaður.

Dáin

16. janúar - Magnús Olsen, norskur málvísindamaður (f. 1878).
23. janúar - Józef Gosławski, pólskur myndhöggvari (f. 1908).
11. febrúar - Sylvia Plath, bandarískt ljóðskáld, rithöfundur og smásagnahöfundur (f. 1932).
10. mars - André Maschinoti, franskur knattspyrnumaður (f. 1903).
16. mars - Valtýr Stefánsson, íslenskur ritstjóri (f. 1893).
29. mars - August Rei, eistneskur stjórnmálamaður (f. 1886).
14. apríl - Anna Borg, íslensk leikkona (f. 1903).
23. maí - Ásgeir Jónsson frá Gottorp, íslenskur bóndi (f. 1876).
28. maí - Pétur J.H. Magnússon, íslenskur knattspyrnumaður (f. 1894).
31. maí - Edith Hamilton, bandarískur fornfræðingur (f. 1868).
2. júní - Ivan Bek, júgóslavneskur knattspyrnumaður (f. 1909).
3. júní - Jóhannes 23. páfi (f. 1881).
20. júlí - Magnús Björnsson á Syðra-Hóli, íslenskur rithöfundur (f. 1889).
4. ágúst - Vilhjálmur frá Skáholti, íslenskt skáld (f. 1907).
4. september - Robert Schuman, franskur stjórnmálamaður (f. 1886).
10. október - Édith Piaf, frönsk söngkona (f. 1915).
11. október - Jean Cocteau, franskt skáld (f. 1889).
25. október - Björn Þórðarson, íslenskur stjórnmálamaður (f. 1879).
2. nóvember - Ngô Đình Diệm, víetnamskur stjórnmálamaður (f. 1901).
13. nóvember - Margaret Murray, breskur fornleifafræðingur (f. 1863).
21. nóvember - Ulises Saucedo, bólivískur knattspyrnuþjálfari og -dómari (f. 1896).
22. nóvember - John F. Kennedy, forseti Bandaríkjanna (f. 1917).
22. nóvember - Aldous Huxley, bandarískur rithöfundur (f. 1894).
22. nóvember - C. S. Lewis, írskur rithöfundur (f. 1898).
24. nóvember - Lee Harvey Oswald, bandarískur uppgjafarhermaður (f. 1939).
12. desember - Theodor Heuss, þýskur blaðamaður (f. 1884).

Nóbelsverðlaunin

Eðlisfræði - Eugene Paul Wigner, Maria Goeppert-Mayer, J. Hans D. Jensen
Efnafræði - Karl Ziegler, Giulio Natta
Læknisfræði - Sir John Carew Eccles, Alan Lloyd Hodgkin, Andrew Fielding Huxley
Bókmenntir - Giorgos Seferis
Friðarverðlaun - Alþjóðaráð og alþjóðasamband Rauða krossins

Tilvísanir

↑ „Aprílhretið mikla, Skógræktarritið“. Sumarogsol.blogspot.

[1] „Aprílhretið mikla, Skógræktarritið“. Sumarogsol.blogspot.

[1]