Acromion

Acromion
	acromion
Instancia de	apófise e clase de entidade anatómica
Subclase de	zone of scapula (en) e entidade anatómica particular
Parte de	omoplata
Conéctase con	acromial end of clavicle (en) , Ligamento acromio-coracoideo, ligamento acromio-clavicular inferior e Ligamento coraco-clavicular
	Composto por Clavicular facet of scapula (en) ; acromial angle (en) ; ;
Descrito pola fonte
	Descrito pola fonte Anatomía de Gray (20ª edición) (páxina(s): 203) ; ;
Identificadores
MeSH	D000174
Thesaurus do NCI	C32048
Terminologia Anatomica 98	A02.4.01.009
	[ Wikidata ] [ C:Commons ]

O acromion, acromio ou apófise acromial é a parte superior da omoplata, onde se articula coa extremidade externa da clavícula formando a articulación acromiclavicular que non ten movemento.

É a continuación da espiña escapular, que se estende cara a axila en sentido oblicuo ascendente. Participa nas articulacións do ombreiro. Articúlase coa clavícula mediante a articulación acromioclavicular e co úmero na articulación glenoumeral. O seu extremo máis distal cobre a cavidade glenoide da escápula.

Estrutura

Superficies

O acromion posúe dúas superficies, unha superior e unha inferior.

A superficie superior está dirixida cara a arriba, cara a atrás e cara a fóra. É de natureza rugosa e permite a inserción de fibras do músculo deltoide. O resto atópase baixo a pel.
A superficie inferior é menos relevante. Ten forma cóncava.

Bordos

O bordo lateral ou externo é irregular e presenta dous ou tres tubérculos para a inserción do músculo deltoide.
O bordo medial ou interno é máis pequeno có externo. É cóncavo e presta inserción ao músculo trapecio. Posúe unha pequena superficie que se articula coa clavícula (articulación acromioclavicular).

O acromion infantil

Durante a infancia o acromion posúe un foco de osificación propio, e está unido ao resto da escápula a través dunha cartilaxe. Nalgunhas ocasións o acromion non se solda ao resto do óso, formando un óso acromial propio.

Véxase tamén

Bibliografía

Gray. Anatomy of the human body (en castelán). Edición de 1918 de dominio público.