Beku
E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.Beku ta un instrumènt musikal simpel trahá tradishonalmente riba e isla di Boneiru. E beku ta un fluit trahá di un palu di maishi (sorghum) robusto, generalmente 40 pa 50 cm largu.
E instrumento tabata wòrdu trahá i toka durante fiestanan di kosecha. Despues ku kosechá maishi, tabata skohe e palunan mas diki i fuerte pa traha beku. E kònòpinan riba e stam ta wòrdu perforá i e interior ta wòrdu limpia ku un taki di palu di kalbas (Crescentia cujete). Na kada punta di e fluit tin un buraku chikitu, i meimei di e fluit ta hasi un insishon smal, den forma di U, e lenga, dor di kua un ta supla pa produsí zonido. Banda di maishi, ta usa kaña brabu tambe pa traha un variante un poko mas robusto di e flùit.[1]
Trahamentu i tokamentu di beku práktikamente a disparsé. E instrumènt akí a bini di Afrika i tabata tok'é regularmente ainda te den añanan sesenta. Segun musikólogo, Jos Gansemans, den su buki Volksinstrumenten, getuigen en resultaat van een interetnische samenleving, informanten a indiká ku e beku tabata wòrdu toka durante fiesta di Simadan, huntu ku otro instrumento tradisional manera barí, kachu, bamba, kitara i kuarta, òf tambe huntu ku triangel i raspu.[2]
· 
· 
Fuente, nota i/òf referensia
|