Benta
| Supkategoria di | chordophone  |
|---|
Benta (na ingles: musical bow; spaño/portugues: arco musical), tambe konosí komo "harpa di boka" òf "bog di boka", ta un instrumento musikal di kuerda, ku ta wòrdu toká ku boka. Funshon di e boka ta pa resoná e zonido. E ta trahá di un taki duru (bog) ku un solo kuerda. E instrumento ta konosí na varios pais, entre otro den region west di Afrika i na Kòrsou, Jamaica, Haiti i Sürnam den region di Karibe.[1]
Origen
[editá | editá fuente]Mas probabel ta ku durante époka di komersio di katibu e benta a yega e isla di Kòrsou ku e afrikanonan di Ghana, Angola i Nigeria.
Instrumentonan paresido na e benta di Kòrsou ta e berimbao di Brasil, lamunga di India, ukeke di Hawaii i e bog di kuerda den diferente pais afrikano.
Deskripshon
[editá | editá fuente]Na Kòrsou e bog ta wòrdu trahá di e pal'i karawara (Cordia alba) òf di pal'i kalbas i e kuerda ta wòrdu trahá di un rama di pal'i koko.[1] E ta e instrumento prinsipal di muzik di zumbi.[2]
Fuente, nota i/òf referensia
|
· 
·