Cast Away

Cast Away
Tipo	filme
Xénero artístico	cinema de aventuras, cinema dramático e robinsonada
Lingua orixinal	lingua inglesa e lingua rusa
Autoría
Director/a	Robert Zemeckis
Compositor/a	Alan Silvestri
Guionista	William Broyles, Jr.
Director/a fotografía	Don Burgess
Editor/a de cine	Arthur Schmidt
Deseñador/a produción	Rick Carter
	Actores Helen Hunt (Kelly Frears); Tom Hanks (Chuck Noland); Jenifer Lewis (pt) ; Jay Acovone (pt) ; Christopher Kriesa ; Valerie Wildman ; Timothy Stack (pt) ; Elden Henson (pt) ; David Allen Brooks (pt) ; Nick Searcy ; Jeffrey Blake (pt) ; Chris Noth ; Nan Martin ; Paul Sanchez ; ;
Temática
Tema principal	Soidade, perda, sobrevivencialismo (pt) e illamento social
Ambientado en	Moscova, Texas, Tennessee e Memphis
Época ambientación	Década de 1990
	Personaxes Chuck Noland; Kelly Frears; Wilson the Volleyball ; ;
Publicación
	Data publicación 22 de decembro de 2000 (Estados Unidos de América, Canadá); 11 de xaneiro de 2001 (Alemaña); 7 de decembro de 2000 ; 2000 ; ;
País orixe	Estados Unidos de América
Produtor/a	Tom Hanks, Robert Zemeckis, Steve Starkey e Jack Rapke
Compañía produtora	Playtone, ImageMovers, 20th Century Fox e DreamWorks
Distribuidor/a	UIP-Dunafilm e Netflix
Recadación	429.632.142 $ e 233.632.142 $
Custo	90.000.000 $
Formato de distribución	vídeo baixo demanda
	Puntuación crítica (16 de xuño de 2025) 74/100, Metacritic; (29 de novembro de 2022) 89%, Rotten Tomatoes; (5 de outubro de 2021) 7.4/10, Rotten Tomatoes ; ;
Dimensións
Duración	2 horas e 23 minutos
Localización
Localización rodaxe	Os Ánxeles, Filipinas, Malibú, Moscova, Rusia e Monuriki (en)
Premios
	Nomeamentos (13 de febreiro de 2001) Óscar ó mellor actor; (13 de febreiro de 2001) Óscar ó mellor son ; ;
Contacto
Redes
	[ Wikidata ] [ C:Commons ]

Cast Away é un filme estadounidense de 2000 dirixido por Robert Zemeckis. Está protagonizado por Tom Hanks, que interpreta a un empregado de FedEx que loita por sobrevivir nunha illa deserta no medio do enorme océano Pacífico despois de que o seu avión se estrelase. O filme recolle os seus intentos por sobrevivir na illa facendo uso dos restos do cargamento do avión. Foi un éxito comercial e da crítica, e Hanks foi nomeado ao Oscar ó mellor actor na 73ª edición dos Premios da Academia pola súa actuación.^[1]

Sinopse

En 1995, Chuck Noland (Tom Hanks) é un hiperactivo executivo que vive inmerso no seu traballo nunha empresa de transporte urxente (Fedex) onde os reloxos son a pauta da súa axitada vida, a súa noiva incondicional apenas pode compartir tempo con el. Toda a súa vida baséase en minutos e cumprimentos de entregas e supervisa o mesmo cada operación de importancia. A súa lema é que o home vive en función do tempo. A pesar da súa axitada vida, Noland ten unha noiva incondicional, Kelly (Helen Hunt), unha estudante universitaria coa que pasa algunhas horas. En Nadal, Noland dálle un agasallo a Kelly (aparentemente un anel de compromisos) e ela regálalle un reloxo de peto coa súa foto no anverso da tapa. Noland ten que ir ás Hawai e volver en 8 días máis e aborda un avión de Fedex.

A súa vida fai un brusco cambio radical cando o avión un MD-11 no que viaxa, métese nunha tormenta non prevista sobre o océano Pacífico e logo dunha despresurización explosiva, cae ao mar sendo el o único que sobrevive. Noland aférrase a unha balsa e déixase conducir polas mareas e empeza a tomar conciencia de que é o único sobrevivente.

Personaxes

Tom Hanks como Chuck Noland
Helen Hunt como Kelly Frears
Nick Searcy como Stan
Jenifer Lewis como Becca Twig
Chris Noth como Jerry Lovett
Lari White como Bettina Peterson
Vince Martin como Albert "Al" Miller
Geoffrey Blake como Maynard Graham

Produción

O filme non foi rodado de xeito consecutivo. Hanks gañou 50 libras durante a pre-produción para aparentar un repoludo home de idade media. Despois de que gran parte do filme fose rodado, a produción foi interrompida por un ano para que puidese perder o peso de máis e deixar medrar o cabelo e a barba, de xeito que semellase que levaba vivindo varios anos na illa. Durante o hiato dun ano, Zemeckis usou o mesmo persoal para facer outro filme, What Lies Beneath.^[1]

Cast Away foi rodado en Monuriki, unha das illas Mamanuca de Fiji.^[2] Está nun subgrupo do arquipélago de Mamanuca, que está sitaudo ó longo da costa de Viti Levu, a meirande illa de Fiji. A illa converteuse nunha atracción turística despois da estrea do filme. Malia que na historia é identificada por Kelly como unha illa "a 600 millas ó sur das Illas Cook," en realidade non hai terra entre a illa de Mangaia, a máis meridional das illas Cook, e a Antártida. A historia comeza e remata esencialmente no mesmo lugar, preto dun rancho de Texas ó sur da cidade de Canadian.

Os produtores elaboraron unha lista de obxectos aparentemente inútiles que poderían atoparse nos paquetes que atopa Nolan: un vestido de festa, patíns sobre xeo, papeis de divorcio, cintas de vídeo, e outros artigos diversos. Eles trasladaron esta lista a un grupo de expertos para que decidisen de que xeito podería empregar o protagonista estes obxectos para sobrevivir

O orzamento do filme foi de $90 000 000 e tivo unha recadación de $429 632 142, conseguindo só na primeira semana $28 883 406.

Galardóns e nomeamentos

2000: 2 Nomeamentos ó Oscar: Mellor actor (Tom Hanks) e son.
2000: Nomeado ó Globo de Ouro: Mellor actor (Tom Hanks).
2000: Nomeado ó BAFTA: Mellor actor (Tom Hanks).
2000: Círculo de críticos de Nova York: Mellor actor (Tom Hanks).

Notas

↑ ^1,0 ^1,1 "'Cast Away' Director Defies Categorizing". New York Times. 2000. Consultado o 18 de outubro de 2012.
↑ Fiji. Korina Miller, Robyn Jones, Leonardo Pinheiro. Lonely Planet. 2003. p. 54. ISBN 1-74059-134-8.

Véxase tamén

Ligazóns externas

Ficha na IMDb (en inglés)
Ficha en Filmaffinity (en castelán)

[nytimes.com-1] 1,0 ^1,1 "'Cast Away' Director Defies Categorizing". New York Times. 2000. Consultado o 18 de outubro de 2012.

[2] Fiji. Korina Miller, Robyn Jones, Leonardo Pinheiro. Lonely Planet. 2003. p. 54. ISBN 1-74059-134-8.

[1]

[2]