Catmon

Mapa sa Sugbo nga nagpakita sa nahimutangan sa Catmon

Sensus sa Populasyon
Catmon, Sugbo

Tuig	Kam.	±% p.a.
1990	19,773	—
1995	21,647	+1.71%
2000	25,083	+3.21%
2007	27,330	+1.19%
2010	28,320	+1.30%

Kinta klase nga lungsod ang Catmon sa lalawigan sa Sugbo sa Pilipinas. Sumala sa senso sa tuig 2000, duna niy 25,083 ka tawo sa 5,198 ka bubong. Nahimutang ni 57 ka kilometro gikan sa Dakbayan sa Sugbo, sunod sa lungsod sa Carmen.

Nahimutang ang Bud Tore (ikaduhang kinahabogang bungtod sa Sugbo) sa balangay Cambangkaya sa Catmon.

MUNISIPYO SA CATMON

Ang Catmon nahimutang 57.4 kilometros sa amihanan sa Dakbayan sa Sugbo. Adunay 15,489 nga populasyon base sa tuig 1964. Kini adunay 17 ka mga baryo. Ang poblacion naa sa daplin sa baybayon. Ang karaang lungsod nga gitawag karon ug Catmondaan kay mga 5 kilometros ang gilay-on paingon sa habagatan. Dinhi nahimutang ang sentral nga merkado sa lungsod.

TOWN HALL SA CATMON

(Hulagway gikan kang Atty. Gabriel Roldan — Mayor Pedro Monsanto)

Ang ngalan nga Catmon gituohang gikan sa ngalan sa usa ka kahoy. Ang usa ka sugilanon nagsulti nga sa unang panahon sa pagmando sa mga Kastila sa Sugbo, may grupo sa mga sundalong Kastila nga miabot sa usa ka lugar diin ang mga Pilipino nagtago ilawom sa dakong kahoy. Nakig-istorya ang Kastila kanila, ug nangutana ang lider unsay ngalan sa maong dapit. Ang mga Pilipino wala kasabot sa pangutana. Naghunahuna sila nga ang Kastila nangutana bahin sa ngalan sa kahoy. Ang ilang tubag mao ang "Catmon", mao nga giingon sa Kastila nga mao na ang ngalan sa lugar. Busa, sa pag-organisa sa lungsod, gitawag kini nga Catmon.

Ang Catmon kay bukiron ug walay daghang patag. Di kaayo abunda ang yuta. Apan adunay upat ka suba—Maghalin, Bawo, Catmondaan, ug Panalipan—nga nag-agos sa mga gamay’ng walog ug naghatag ug tubig ug sustansya sa yuta aron mamunga kini ug pagkaon nga gamiton sa mga molupyo.

Mga barangay

Ang Catmon nabahin ngadto sa 20 ka mga barangay.

Agsuwao Amancion Anapog Bactas Bongyas Basak Binongkalan Cabungaan Cambangkaya Can-ibuang

Catmondaan Duyan Ginabucan Macaas Panalipan Tabili Tinabyonan San Jose Pob. (Catadman) Corazon (Pob.) Flores (Pob.)

Kaagi

Sumala sa kasugiran, ang mga tawo sa Cambangkaya kabahin sa mga tribu ni Datu Lapu-Lapu sa Isla sa Maktan nga miikyas human sa kamatayon sa bayani sa tuig 1560.

Mga sumpay sa gawas

• Philippine Standard Geographic Code Gi-arkibo 2012-04-13 at the Wayback Machine
• 2000 Philippines Census Information Gi-arkibo 2010-01-30 at the Wayback Machine