Conhunto

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

konhunto

Supkategoria di	music organization, performing arts group
Área di trabou	músika
Kategoria ligá	Category:Musical ensembles by alphabetical order

Conhunto (hulandes: ensemble; spaño: conjunto) of agrupacion musical ta referi generalmente na un ekipo musical cu ta consisti di dos of mas persona cu, pa medio di bos of instrumentonan musical, ta intrepreta piesanan musical cu ta pertenece na diferente genero y estilo. Den cada genero musical, diferente regla of tradicion a wordo forma pa loke ta trata e cantidad di miembro (p.e. trio, cuarteto of sexteto), tipo y cantidad di instrumento, y repertorio di obranan musical cu mester wordo interpreta pa e gruponan aki.

Karibe Hulandes

Den islanan ABC ta papia mas bien di conhunto ora ta referi na e orkestanan moderno di baile. E conhunto of banda aki ta inclui den su constelacion un seccion di instrumentonan di supla, manera saxofon, trompet y trombone, cu ta sostené pa baho, piano y percusion. E diferencia entre un conhunto y un combo ta sinta den e tamaño di e line-up, aunke hopi biaha e uzo di e dos termino ta wordo intercambia.

Conhuntonan Antiano a originá despues di mas o ménos 1930 door di combiná e elementonan rítmico di e sextetonan Cubano (tambòr, tres, repicador, bongo, wiri y timbal) cu agrupacionnan di baile existente, mientras cu a bandona instrumentonan manera fio, banjo y percusion cu tambu di baho. Na fiestanan bailabel e conhunto ta toca un repertorio cu ta inclui tumba, salsa, merengue, bolero, soca, y otro ritmonan popular cu ta haci hende bai riba pista.

Un conhunto den un combinacion mas chikitu por tin instrumentonan di supla individual, pero no tin grupo di melodia como tal. Otro instrumentonan manera guitara y vibrafon tin mas chens di wordo uza den combinacion. Den mayoria di e conhuntonan chikito, e integrantenan ta toca diferente instrumento alterna, pa asina logra e efecto di color mas grandi posibel cu e cantidad di integrante disponibel.

Algun conhunto popular na Aruba, Corsou y Boneiro den di dos mita di siglo binti tabata Estrellas del Caribe, Doble R i su Super Special Stars, Conhunto Sensacion del Caribe y Robert Jeandor y su Solo Banda Show.

Fuente, nota i/òf referensia