Axencia Xaponesa de Exploración Aeroespacial

Axencia Xaponesa de Exploración Aeroespacial
Nome curto	JAXA e ジャクサ
Tipo	axencia espacial e editorial académica
Forma xurídica	National Research and Development Agency (en)
Persoas e organizacións
Matriz	Ministério da Educação, da Cultura, dos Desportos, da Ciência e da Tecnologia do Japão (pt)
Membro de International Astronautical Federation (pt) Setor de Radiocomunicações da UIT (pt) Consultative Committee for Space Data Systems (en) Inter-Agency Space Debris Coordination Committee Japan Consortium for Open Access Repository (en)
Entidades subsidiarias Institute of Space and Astronautical Science
Precedido por	NASDA e National Aerospace Laboratory of Japan (en)
Data
Fundación	1 de outubro de 2003
Localización
35°40′43″N 139°33′31″L
Estado	Xapón
Prefectura metropolitana	Toquio
País	Xapón
Sede	Chōfu
Contacto
Páxina WEB	global.jaxa.jp
Redes
[ Wikidata ] [ C:Commons ]

Kibo, módulo experimental da JAXA.

A Axencia Xaponesa de Exploración Aeroespacial (en xaponés 宇宙航空研究開発機構, en inglés Japan Aerospace Exploration Agency, JAXA) é a axencia aeroespacial do Xapón.

Historia e características

A JAXA fundouse o 1 de outubro do 2003 pola unión da Axencia Nacional de Desenvolvemento Espacial (NASDA), o Laboratorio Nacional Aeroespacial do Xapón (NAL) e o Instituto da Ciencia Aeronáutica e Espacial (ISAS).

A primeira misión da JAXA foi o lanzamento dun cohete H-2A, en novembro de 2003, que fracasou. Despois de 15 meses, en febreiro de 2005, a JAXA fixou un novo lanzamento dun cohete modelo H-2A dende o Centro Espacial de Tanegashima, poñendo un satélite en órbita. A partir do 2005, a JAXA planea realizar as súas propias misións espaciais, incluíndo futuras misións tripuladas a Lúa. No 2003 lanzou a misión chamada Hayabusa co cohete M-V para recoller mostras dun asteroide, chegando ao asteroide na segunda metade do 2005, e volvendo a Terra no 2010. No 2007 lanzou a sonda lunar SELENE. Existen outras misións interplanetarias están prevista para chegar cunha sonda ata Venus, a sonda PLANET-C, e outra a Lúa, a sonda LUNAR-A.

Información xeral

H-IIA, H-IIB.

O ISAS foi o responsable da investigación espacial e planetaria. O NAL estaba enfocado na investigación da aviación. A NASDA fundouse o 1 de outubro de 1969, con oficinas centrais no Centro Espacial de Tanegashima, localizado na illa Tanegashima, a 115 quilómetros ao sur de Kyūshū. Adicado ao deseño e desenvolvemento de cohetes espaciais, satélites e do módulo de experimental xaponés para a Estación Espacial Internacional.

Asemade, a axencia mantén colaborción con outras entidades para o desenvolvemento de proxectos, como no caso da Misión BepiColombo, en colaborción coa ESA.

Misións Hayabusa

En 2003, JAXA enviou unha cápsula para recoller mostras dun asteroide. A misión Hayabusa retornou en 2010 só con partículas de po. En 2020, JAXA logrou facer retornar por primeira vez unha cápsula con mostras de asteroides, Hayabusa2.

Oficinas e Centros de Investigación

A JAXA ten centros de investigación no Xapón e algunhas oficinas no exterior.

• Oficinas centrais - Chofu, Toquio
• Centro de investigación e observación terrestre (EORC) - Toquio
• Centro de observación terrestre (EOC) - Hatayama
• Centro de probas de Noshiro (NTC) - Dende 1962. Leva a cabo o deseño e proba de motores de cohetes.
• Centro de globos aerostáticos de Sanriku (SBC) - Plataforma de lanzamento de globos aerostáticos dende 1971.
• Centro de propulsión espacial de Kakuda (KSPC) - Deseño dos cohetes espaciais. Traballa de xeito principal no campo dos combustibeis líquidos para motores.
• Campo Sagamihara - Deseño de equipo experimental para cohetes e satélites. Tamén posúe edificios administrativos.
• Centro espacial Tsukuba (TKSC) - Centro da rede espacial do Xapón. Deseño e desenvolvemento de satélites e cohetes, adícase tamén a monitoreo e control dos satélites. Deseña equipos experimentais para o Módulo do Experimento Xaponés ("Kibo"). A formación de astronautas tamén se fai aquí.

Véxase tamén

Outros artigos

Vehículo de transferencia H-II.

• PLANET-A (Suisei)
• PLANET-B (Nozomi)
• PLANET-C (Akatsuki)
• MUSES-A (Hiten)
• MUSES-B (Haruka)
• MUSES-C (Hayabusa)
• ASTRO-A
• ASTRO-B
• ASTRO-C
• ASTRO-D
• ASTRO-E
• ASTRO-F
• ASTRO-G

Ligazóns externas

• JAXA Arquivado 21 de marzo de 2007 en Wayback Machine.
• "JAXA Channel" Official YouTube channel
• International Space Station (ISS) and "Kibo" Information center
• NASDA
• ISAS Arquivado 01 de maio de 2008 en Wayback Machine.
• NAL