Knowing

Knowing
Tipo	filme
Xénero artístico	cinema de ciencia ficción, cinema de catástrofes, filme de acción e filme de misterio
Lingua orixinal	lingua inglesa
Autoría
Interpretado por	Marco Beltrami
Director/a	Alex Proyas
Compositor/a	Marco Beltrami
Guionista	Ryne Douglas Pearson, Stuart Hazeldine (pt) e Alex Proyas
Director/a fotografía	Simon Duggan
	Actores Nicolas Cage (Professor Jonathan "John" Koestler (en) ); Alethea McGrath ; Adrienne Pickering (pt) ; Liam Hemsworth ; Ben Mendelsohn (pt) ; Chandler Canterbury ; Lara Robinson (pt) ; Rose Byrne ; Danielle Carter (en) ; ;
Temática
Ambientado en	Boston e Nova York
	Personaxes Professor Jonathan "John" Koestler (en) ; ;
Publicación
	Data publicación 9 de abril de 2009 (Alemaña); 2009 ; ;
País orixe	Estados Unidos de América e Reino Unido
Produtor/a	Alex Proyas e Steve Tisch
Compañía produtora	Saturn Films e Escape Artists (en)
Distribuidor/a	Fórum Hungary e Netflix
Recadación	7.588.162 A$
Formato de distribución	vídeo baixo demanda
	Puntuación crítica (10 de outubro de 2024) 35%, Rotten Tomatoes; (27 de xullo de 2023) 41/100, Metacritic; (5 de outubro de 2021) 4.8/10, Rotten Tomatoes ; ;
Dimensións
Duración	2 horas e 1 minuto
Localización
Localización rodaxe	Melbourne
Contacto
Páxina WEB	knowing-themovie.com
Redes
	[ Wikidata ]

Knowing é un filme de ficción científica estreado en 2009, dirixido por Alex Proyas e protagonizado por Nicolas Cage.

Argumento

No ano 1959, durante a inauguración dun novo colexio, unha profesora pide aos seus alumnos que imaxinen como sería o futuro en 50 anos, a idea é dunha nena chamada Lucinda. Os estudantes gardan nunha cápsula do tempo moitos debuxos, mentres que Lucinda só escribe unha serie de números sen sentido aparente. Ese mesmo día Lucinda extravíase e é atopada nun armario garabateando coas unllas unha secuencia de números.

Cincuenta anos despois, no 2009, a cápsula do tempo é desenterrada e Caleb recibe a misteriosa nota de Lucinda. Caleb é un neno que ten problemas auditivos, fillo de John Koestler (Nicolas Cage), un profesor de astrofísica viúvo.

John descobre enseguida que eses números teñen un sentido secuencial e agochan certas predicións, algunhas delas de sucesos xa ocorridos. Mentres isto ocorre, Caleb recibe estraños murmurios mentais e un estraño individuo faille garda fóra da casa.

Entre estas secuencias descobre accidentes catastróficos xa sucedidos en que o número de mortos coincide coa parte final da secuencia, e outros por suceder. Ao descubrir que a parte sen descifrar das secuencias corresponde ás coordenadas GPS dos lugares, presencia un terrible accidente aéreo cun número de mortos igual á secuencia, e posteriormente un desastre no Metro con outro número de falecidos coincidente coa secuencia seguinte. O misterio é que as secuencias terminan cunha secuencia non descifrable, despois do accidente de Metro.

Contactan coa única filla de Lucinda, Diana Wayland (Rose Byrne) quen ten unha filla da mesma idade que Caleb, chamada Abby. Diana ao principio rexeita o ofrecemento de John Koestler pero o accidente do Metro faina recapacitar xa que Abby tamén recibe estraños murmurios xunto a Caleb.

A última secuencia non descifrable é un desastre solar de magnitudes cataclísmicas, e John Koestler verifica mediante medicións do observatorio que a secuencia é verídica e que as temperaturas chegarían aos 400 graos Celsius nunhas poucas horas.

Descobren que a parte final da secuencia corresponde coa localización da casa prefabricada onde morreu Lucinda e diríxense a ela. No camiño, ademais da morte de Diana en accidente de tráfico, Caleb e Abby son aparentemente secuestrados en dúas ocasións por uns suxeitos pálidos e louros.

Finalmente os nenos son tomados das mans polos suxeitos estraños, que resultan ser extraterrestres e levan aos nenos nunha nave. Cando as naves dos extraterrestres se elevan ao ceo, as pedras negras, que anteriormente atoparan na casa prefabricada de Lucinda e que está pisando John, levitan por algunha forza magnética. Cando a nave sae da Terra, outras naves que parten desde distintos puntos do planeta saen á vez.

John regresa á casa dos seus pais, aínda que primeiro recolle á súa irmá. No retorno, o incipiente arrequecemento e desaxuste electromagnético comeza a xerar unha especie de aurora boreal no ceo. Cando chega á cidade dáse conta que a xente está totalmente desesperada cometendo saqueos, alboroto etc. Ao chegar á casa dos seus pais, abrázanse os catro no momento en que a Terra é varrida por unha vaga de lume de dimensións planetarias que se estende coincidindo co amencer e a exposición ao Sol.

A escena final mostra a Caleb e Abby sendo deixados pola nave nun novo planeta deshabitado, cuberto dunha herba dourada. Visten con roupa de liño e corren no campo, mentres no horizonte vese que ao lonxe hai máis naves volvendo ao espazo. A escena termina cun plano afastado deles correndo e a unha curta distancia dunha solitaria árbore branca.

Elenco de actores

Nicolas Cage - Profesor Jonathan "John" Koestler
Chandler Canterbury - Caleb Koestler
Rose Byrne - Diana Wayland
Lara Robinson - Lucinda Embry / Abby Wayland
Nadia Townsend - Grace Koestler
Ben Mendelsohn - Profesor Phil Beckman
Alan Hopgood - Reverend Koestler
Adrienne Pickering - Allison Koestler
D.G. Maloney, Joel Bow, Maximillian Paul, e Karen Hadfield - Os Estraños
Danielle Carter - Dona Taylor en 1959
Alethea McGrath - Dona Taylor en 2009