MMORPG

MMORPG
Кароткая назва	MMORPG
Медыяфайлы на Вікісховішчы

Масавая шматкарыстальніцкая ролевая анлайн-гульня (англ.: Massively multiplayer online role-playing game, MMORPG) — жанр ролевых анлайн-відэагульняў, у якім вялікая колькасць гульцоў узаемадзейнічае адзін з другім у віртуяльным свеце (галоўным чынам у жанры фэнтэзі). Як і ў большасці RPG, гульцу прапануецца роля выдуманага героя і магчымасць кіраваць яго дзеяннямі. MMORPG адрозніваецца ад аднакарыстальніцкіх і невялікіх сеткавых ролевых гульняў мноствам гульцоў, а таксама віртуальным светам, які працягвае існаваць і пры адсутнасці гульца. Віртуальны свет падтрымліваецца выдаўцом гульні.

Сучасныя шматкарыстальніцкія ролевыя гульні сталі сапраўдным феноменам сеціва. У найпапулярнейшыя з іх грають мільёны людзей. Шмат такіх гульняў з’яўляюцца платнымі. Штомесячная падпіска на некаторыя каштуе да некалькіх дзясяткаў долараў ЗША. Улічваючы шматтысячную аўдыторыю, падобныя гульні з’яўляюцца значнымі і паспяховымі камерцыйнымі праектамі.

Апісанне

У віртуальным свеце гульцы могуць выконваць розныя дзеянні, узаемадзейнічаць адзін з другім. Існуюць і кіравальныя камп’ютарам персанажы (NPC), в тыму ліку варожыя (так званыя «мобы»). У большасці гульняў за знішчэнне ворагаў гулец атрымлівае ўзнагароду і ачкі вопыту (англ.: experience point, XP). Атрыманыя ачкі вопыту гулец ужывае для ўдасканалення навыкаў і ўменняў героя. Узнагарода (гульнявая валюта альбо каштоўныя рэчы) складаюць аснову эканамічных зносін паміж удзельнікамі гульні.

У буйных MMORPG гульцы маюць магчымасць ствараць унутраныя аб’яднанні (гільдыі, кланы), члены якіх могуць вызначаць палітыку ў дачыненні да іншых гульцоў і аб’яднанняў. У некаторых гульнях героі пры першым з’яўленні ў свеце нейтральныя, у іншых — варожыя да пэўных персанажаў адпаведна сюжэту гульні.

У большасці платных MMORPG гульцы купляюць падпіску, часам выдаўцы патрабуюць аднаразовага набыцця копіі гульні. Бясплатныя MMORPG можна наўпрост спампаваць з Інтэрнэта. Часта ў іх выкарыстоўваюць сістэму мікратранзакцый — набыццё ўнутрагульнёвых рэчаў за сапраўдныя грошы.

Гл. таксама

• Ingress
• Lineage II
• World of Tanks