Polgar

Polgar
digitus primus
Instancia de	clase de entidade anatómica
Subclase de	dedo e entidade anatómica particular
Parte de	man
Localización anatómica	man
Drenaxe linfática	Ganglios linfáticos deltoido-pectorais
Irrigado por	arteria colateral interna do dedo polgar da man
Drenado por	veas fondas da man
Identificadores
MeSH	D013933
Thesaurus do NCI	C52834
Terminologia Anatomica 98	A01.1.00.053
[ Wikidata ] [ C:Commons ]

Na anatomía humana, o polgar ou matapiollos é o primeiro dedo ou deda a contar dende o interior. O polgar da man humana (a diferenza dos primates en xeral) é completamente opoñible aos outros catro dedos, pode tocar os demais dedos dende a súa punta até a súa base e mesmo a parte superior da palma da man. Esta calidade dálle á man dos primates unha vantaxe evolutiva moi notable xa que mediante esta función anatómica, o polgar pode manipular obxectos grandes apoiándose coa palma da man e obxectos medianos ou pequenos apoiándose cun ou máis dedos dos outros dedos.

Suxeición

Unha suxeición típica entre os dedos inclúe ao polgar e ao segundo dedo (índice), cando se suxeita un alfinete ou algo pequeno. Se o obxecto é máis grande ou se requiren funcións adicionais, como virar o obxecto, empréganse máis dedos.

Orixe do polgar

A evolución do polgar opoñible ou prensible normalmente asóciase co Homo habilis, o predecesor do Homo sapiens. Isto, con todo, é un resultado da evolución do Homo erectus (preto dun millón de anos atrás) mediante unha serie de etapas antropomórficas intermedias, polo que resulta dun proceso evolutivo moito máis complicado.

O factor máis importante relacionado á habilidade da man e o seu polgar é a liberación da súa función na marcha, que aínda hoxe é crucial para os simios. No seu momento foi unha das consecuencias da gradual adopción de pitecantropoide e antropoide da erección do andar bípede e o desenvolvemento simultáneo dun gran cerebro en etapas posteriores.

Significado

Nas culturas occidentais, se unha persoa, levanta ese dedo e pono cara a arriba, significa que aproba unha acción; e se o pon boca abaixo, significa que desaproba algo.

Outros animais con dedo polgar opoñible

Moitos animais, como os primates e outros, teñen algún tipo de dedo opoñible:

• Panda, aínda que non sexa un polgar exactamente senón un sexto dedo que actúa como tal.
• Coala
• Opósum
• A maioría dos primates, tanto en mans como en pés, aínda que a destreza do polgar varía moitísimo dunha especie a outra.

Véxase tamén

Outros artigos

• Falso polgar
• Truco do polgar