Memoria
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
| Supkategoria di | learning or memory  |
|---|---|
| Ta kousa | memory |
| Studiá pa | memory and attention |
| Karakterisá pa | memory type |
| Etikèt na Stack Exchange | https://psychology.stackexchange.com/tags/memory |
Memoria ta referi na procesonan psicologico di adkiri, deposita, retene, y recupera informacion.[1] E definishon aki ta basa riba tres aspecto principal:[2]
- Memoria ta un funcion di e sistema nervioso.
- Memoria ta encera tres proceso principal: codificacion, deposita, y recuperacion.
- Memoria ta parti di un sistema pa cu procesamento di informacion.
Historia
[editá | editá fuente]Teoria di procesamento di informacion ku a surgi den añanan 1950 y 1960, huntu cu e desaroyo di computer, ta konsidera memoria como un proceso pa medio di cua informacion cu ta drenta ta wordo codifica, warda, y depsues recupera. Asina, computer a sirbi como un analogia pa memoria di hende humano.[2]
Teoria
[editá | editá fuente]A base di e teoria aki, Richard Atkinson y Richard Shiffrin a desaroya e asina yama modal model of memory na 1968. E model aki ta describi con informacion ta wordo procesa a base di diferente fase:[2]
- Memoria sensorial: Informacion for di e mundo externo ta wordo ricibi a base di sentidonan y ta wordo warda den su forma original pa un tempo hopi cortico, menos cu tres seconde. Un ehempel lo ta despues di paga un flashlight, tin un imagen di plaso cortico di luz den memoria visual.
- Atencion: Un sistema di filter, manera un trecto cu ta determina cua informacion ta wordo procesa mas aleu.[3]
- Memoria di termino cortico (MTC): MTC tin un capacidad limita pa corda y manipula informacion. Por ehempel, corda number di telefon mientras ta type.[4]
- Memoria di termino largo (MTL): Informacion cu ta wordo ripiti frecuentemente of procesa activamente den MTC, por wordo transmiti pa MTL, un proceso cu yama consolidacion.
Biologia
[editá | editá fuente]E procesonan di memoria ta sucede principalmente den e celebro. Comprondemento actual ta sugeri cu memoria ta forma a base di conexion entre neuronnan. E conexionnan aki por ta fortalesa of nobo forma, contribuyendo na e creacion y depositamento di memoria. Kambio den e conexionnan entre celnan nervioso, conoci como sinaps, ta corela cu siñamento y retencion di memoria. E fortalecemento di conexionnan sinaptico ta hunga un rol clave den consolida informacion nobo den MTL.[1]
MTC ta asocia principalmente cu e cortex frontal di e celebro, cu tambe ta envolvi den funcionnan cognitivo, manera planificacion y rasonamento.
E transicion di memoria di MTC pa MTL ta wordo sosteni pa e hipocampo i amigdala, ambos situa meimei di e celebro. E hipocampo ta hunga un rol central den e transferencia di informacion pa plaso largo, mientras e amigdala ta envolvi den procesamento di recuerdonan emocional. Pues eventonan cu un carga emocional fuerte, hopi be ta wordo corda e mas miho.
Depositamento permanente di MTL no ta sucede den un solo region di celebro. En bes di esey, informacion ta wordo depostia den un red distribui di celnan nervioso den areanan sensorial di e celebro. Por ehempel, recuerdonan visual ta wordo warda den e cortex visual na e seccion posterior di e celebro.[2]
Fuente, nota i/òf referensia
|