Neuron
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.| Neuron | ||
|---|---|---|
| ||
Un neuron, engrandece 40 be
| ||
| ||
Skema di un neuron: (a) Dendriet (b) Soma (c) Nucleo di cel (d) Axon (e) Myeline (f) Schwann cel (g) Knopi di Ranvier (h) Terminal di axon (of transmisor)
| ||
| Sinonimo | ||
| Latin | neuron | |
| Informacion anatomico | ||
| Sistema di organo | Sistema nervioso | |
| Clasificacion | ||
| MeSH | D009474 | |
| TA98 | A14.0.00.002 | |
Imagennan riba  Wikimedia Commons
| ||
| [Edita Wikidata] · [Manual] | ||
Neuron, of cel nervioso ta un cel specialisa cu ta procesa y transmiti señalnan electrico denter di e sistema nervioso. Ta calcula cu e celebro humano ta contene rond di 86 biyon neuron. Neuronnan ta e blokinan fundamental di e sistema nervioso y ta hunga un rol crucial den procesonan cognitivo, manera percepcion, pensamento, siñamento, memoria, y emocion.[1]
Anatomia y funcion
[editá | editá fuente]Un neuron tipicamente ta consisti di tres componente principal: e curpa di cel (of soma), dendriet, y un axon.
E soma ta e "centro di comando" y ta hunga un rol esencial den integra señalnan cu ta yega via e dendrietnan pa determina si ta genera un señal electrico. Dendrietnan ta fungi como "antena" y ta un extencion ramifica di e neuron cu ta ricibi señalnan for di otro neuronnan. Dendrietnan ta hunga un rol importante den plasticidad sinaptico, e abilidad di e sistema nervioso pa adapta, cual ta esencial pa siñamento y memoria. E axon ta un extencion largo y cilindrico cu ta conduci señalnan electrico for di e soma pa otro neuronnan, musculo, of kliernan. Axonnan ta caba den terminalnan di axon (of transmisornan) cual ta comunica cu otro celnan via sinaps. Un sinaps ta e conexion funcional entre dos neuron, of un neuron y un cel (p.e., cel di musculo). E ta consisti di e conopi pre-sinaptico (transmisor), e split of apertura sinaptico, y e membrana post-sinaptico (normalmente riba un dendriet).[1]
Fuente, nota i/òf referensia
|