Moda Center
| Moda Center | ||||
|---|---|---|---|---|
 | ||||
| Tipo | pavillón deportivo  | |||
| Epónimo | Moda Health (en)  | |||
| Custo | $262 millóns | |||
| Deporte | baloncesto | |||
| Persoas e organizacións | ||||
| Operador/a | Anschutz Entertainment Group (pt) | |||
| Ocupante | Portland Trail Blazers, Portland Fire (en) e Portland WNBA team (en) | |||
| Propietario/a | Vulcan Inc. (Paul Allen) | |||
| Arquitecto/a | Ellerbe Becket | |||
| Enxeñeiro/a | KPFF Consulting Engineers | |||
| Datas | ||||
| Fundación | 12 de outubro de 1995 | |||
| Inauguración | 12 de outubro de 1995 | |||
| Dimensións | ||||
| Capacidade | Baloncesto: 19.441 Hóckey sobre xeo: 18.280 | |||
| Localización | ||||
| ||||
| Estado | Estados Unidos de América | |||
| Estado federado | Oregón | |||
| Condado | Condado de Multnomah (pt) | |||
| City of Oregon (en) | Portland | |||
| Localización |  Portland, Estados Unidos | |||
| Contacto | ||||
| Páxina WEB | rosequarter.com… | |||
| Redes |   | |||
| [ Wikidata ] [ C:Commons ] | ||||
O Moda Center (antes coñecido como Rose Garden) é un pavillón polideportivo cuberto situado na cidade de Portland (Oregón, Estados Unidos). Actualmente, é sede do equipo de baloncesto Portland Trail Blazers (NBA), así como dos Portland Winterhawks de hóckey sobre xeo e os Portland Thunder de fútbol americano a 8. Ten capacidade para 19.441 espectadores para partidos de baloncesto, a cal se pode modificar segundo o espectáculo albergado.
Historia
[editar | editar a fonte]
O pavillón comezou a construírse no ano 1993 cerca do Memorial Coliseum, antigo pavillón dos Trail Blazers. O nome orixinal do pavillón era "Rose Garden", o cal foi elixido para reflectir o alcume polo que se lle coñece á cidade de Portland, Rose City, e o de Garden para seguir o ronsel dos populares Boston Garden e Madison Square Garden. O arquitecto encargado de trazar o novo pavillón foi Ellerbe Becket, orixinario de Minneapolis, Minnesota, mentres que o labor de enxeñaría foi levado a cabo pola empresa KPFF Consulting Engineers.
Ao principio, o pavillón era propiedade de Oregon Area Corporation, unha corporación privada cuxo único accionista era Paul Allen. A construción estivo financiada en parte por un consorcio de prestamistas (TIAA-CREF, Prudential Insurance e Farmers Insurance) que achegaron 155 millóns de dólares. O demais correu principalmente a conta de Allen e da cidade de Portland. O financiamento do Rose Garden foi un grande exemplo de asociación pública-privada. A cidade, á súa vez, esperou que a construción do pavillón podería axudar a desenvolver e renovar o distrito de Rose Quarter. O custo final do recinto ascendeu até os 262 millóns de dólares tras as últimas renovacións (oficinas, complexos de lecer e garaxes). A inauguración foi o 12 de outubro de 1995.
O principal equipo que xoga de local no pavillón é Portland Trail Blazers. Os Portland Winterhawks da WHL están alí desde 1995, mentres que os Portland Thunder da AFL están desde 2014. O pavillón foi construído tamén co obxectivo de ter unha franquía na NHL, mais de momento non se conseguiu a pesar das especulacións que houbo respecto dese asunto.
Eventos
[editar | editar a fonte]O Rose Garden acolleu varias veces eventos relacionados coa WWE, entre os que se inclúen o WWE Unforgiven en 2004, SmackDown! en 2006 e WWE Raw en febreiro de 2007. En inverno de 2005 celebráronse no Rose Garden os campionatos nacionais de patinaxe artística sobre xeo. En 2004, Portland foi elixida como unha das 5 sedes para albergar o Dew Action Sports Tour, unha franquía de deportes extremos que comezou en 2005. O evento que levou a cabo no Rose Garden titulouse Vans Invitational, e desenvolveuse entre o 17 e 21 de agosto. Tamén se practicaron competicións de motos. Ademais deses eventos o 17 de xuño de 2000 presentouse Roger Waters tocando In The Flesh, o DVD foi sacado dese concerto. O primeiro concerto que ofreceu o pavillón foi o de David Bowie con Nine Inch Nails. En novembro de 2005 os Rolling Stones e Paul McCartney tocaron no Rose Garden.
