Moerasvy

Moerasvy
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Rosales
Familie:	Moraceae
Genus:	Ficus
Spesie:	F. trichopoda
Binomiale naam
Ficus trichopoda Baker, (1883)
Sinonieme
Ficus budduensis Hutch. Ficus congensis Engl. Ficus congensis var. mollis Hutch. Ficus flavovenia Warb. Ficus hippopotami Gerstner Ficus zuvalensis Sim

Die moerasvy (Ficus trichopoda) is 'n boom wat voorkom in die kus- en moeraswoude in noordelike KwaZulu-Natal waar dit soms op steltwortels staan wat uit die hooftakke groei. Die vye word tot 2.5 cm in deursnee en word in pare in die blaaroksels gedra. Die blare is groot – 15 x 12 cm – en helder blinkgroen met byna wit are. Die boom se FSA-nommer is 54.

Buite Suid-Afrika is die spesie inheems in Benin, Burkina Faso, Demokratiese Republiek die Kongo, Eswatini, Gaboen, Ghana, Guinee, Guinee-Bissau, Ivoorkus, Kameroen, Madagaskar, Malawi, Mali, Mosambiek, Niger, Nigerië, Republiek die Kongo, Rwanda, Senegal, Sentraal-Afrikaanse Republiek, Sierra Leone, Soedan, Tanzanië, Togo, Tsjad, Uganda en Zambië.

Sien ook

• Alfabetiese lys van Suid-Afrikaanse bome

Bronnelys

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• REDLIST Sanbi
• Plants of the World Online

Eksterne skakels

• Wikiwoordeboek het 'n inskrywing vir moerasvy.