Nadal

Nadal
Tipo	festividade cristiá, día festivo oficial e festivo federal
Subclase	celebración
Parte de	Grandes Festas da Igrexa Ortodoxa e tempo de Nadal
	Composto por Noiteboa; Segundo día de Nadal; Día de Santo Estevo; Día de Nadal; Boxing Day ; ;
Data
Día periódico	19 de xaneiro Patriarca Armênio de Jerusalém (pt) 25 de decembro Igrexa católica solemnidade 24 de decembro Dinamarca, Suecia, Alemaña Koiak 29 (en) Calendário copta (pt) 25 de dezembro na Igreja Ortodoxa (pt) Grandes Festas da Igrexa Ortodoxa calendario litúrxico ortodoxo 6 de xaneiro 7 de xaneiro
Características
Conmemora	Nacemento de Xesús
Alimentos asociados	Plätzchen (en) , pão de mel (pt) , Christmas pudding (en) , Turrón, gulugulu (en) , carne de pavo, Christmas ham (en) , albóndega, Pinnekjøtt (pt) , Medisterpølse (pt) , pork belly (en) e smalahove (en)
	[ Wikidata ] [ G:Commons ] [ C:Commons ]

Este artigo trata sobre a celebración cristiá, para o artigo sobre o mes de nadal vexa decembro.

O Nadal (do latín dies natalis 'día do nacemento'^[1]) é unha festa cristiá que conmemora o nacemento de Xesús de Nazaret. A Igrexa católica latina, as Igrexas protestantes e a maioría das Igrexas ortodoxas celébrana o 25 de decembro. Algunhas Igrexas ortodoxas e católicas orientais celébrana o 7 de xaneiro, xa que non aceptan o calendario gregoriano.

Data

A data orixinal de celebración do Nadal na tradición cristiá oriental era o 6 de xaneiro, xunto coa Epifanía, e segue a ser así no calendario litúrxico da Igrexa apostólica armenia, e festividade pública en Armenia. En 2013 hai unha diferenza de 13 días entre o actual calendario gregoriano e o calendario xuliano. Aqueles países e Igrexas que empregan o calendario xuliano (ou equivalentes) celebran, xa que logo, o Nadal e a Epifanía o 25 de decembro e o 6 de xaneiro respectivamente, que correspóndense co 7 e o 19 de xaneiro do calendario xuliano. Por esta razón Exipto, Etiopía, Eritrea, Rusia, Xeorxia, Ucraína, Serbia, Macedonia e Moldova celebran o Nadal cando no calendario gregoriano é o 7 de xaneiro. As Igrexas ortodoxas de Bulgaria, Grecia, Romanía, Antioquía, Alexandría, Albania, Finlandia e América celebran o Nadal o 25 de decembro no calendario xuliano revisado, que correspóndese tamén co 25 de decembro do gregoriano.

Historia e características

Orixe

O Nadal ten a súa orixe nunha festividade pagá, cando a humanidade festexaba o solsticio de inverno, o nacemento da luz e con ela o revivir da terra e a garantía das vindeiras colleitas. A cultura romana adoptou as celebracións na mesma data. Posteriormente o cristianismo asimilou a data da celebración como día do nacemento de Cristo, mesturando ritos populares con outros novos. As celebración actuais mesturan, logo, ritos pagáns (tizón de Nadal, árbore de Nadal, Apalpador, Papá Noel...) con relixiosos (nacemento de Xesús, Belén, Día de Reis...)^[2].

Cristianismo

Segundo os Evanxeos, Xesús naceu en Belén de Xudea. Seus pais foron María e Xosé, estando estes de viaxe para seren rexistrados no censo romano. O nacemento de Xesús, de acordo cos seus seguidores, cumpría as profecías xudías sobre a chegada dun mesías que redimiría o mundo do pecado.

As súas orixes remóntanse ao espallamento da relixión cristiá no século II: os romanos celebraban o día 25 o Natalis Solis Invicti 'nacemento do sol invicto'; por outra banda, os pobos xermánicos celebraban unha festa pagá no solsticio de inverno. Ben puido ser que a Igrexa decidise facer coincidir as datas.

A noite do 24 de decembro a igrexa católica celebra a misa do galo que conmemora o nacemento de Xesucristo. Porén, nos países occidentais no último século celébrase o Nadal dende o 24 de decembro ata o día de Reis o 6 de xaneiro como unha festa de reunión familiar e cun compoñente comercial importante, perdendo en gran medida o espírito relixioso.