Olonets

Olonets
Олонец Aunus
by
Våpenskjold
Land	Russland
Føderasjonssubjekt	Karelia
Areal	6 km²
Folketal	7 631 (2023)
Grunnlagd	1137
Postnummer	186000
Retningsnummer	+7 81436
Bilnummer	10
Olonets 60.983333333333°N 32.966666666667°E / 60.983333333333; 32.966666666667
Wikimedia Commons: Olonets

Olonets (russisk Олонец, finsk Aunus, karelsk Anus) er ein by i republikken Karelia i Russland med om lag 8 000 innbyggjarar. Han ligg ved elva Olonka, aust for Ladoga.

Olonets er den eldste dokumenterte busetnaden i Karelia, nemnt i kjelder frå Novgorod så tidleg som 1137. Historia til byen er uklår fram til 1649, då ei festning vart bygt der for å verne Storfyrstedømet Moskva mot svenskane. Same år fekk staden byrettar. Fram til den store nordiske krigen utvikla Olonets seg som ein leiande marknad for russisk handel med Sverige. Sørover frå byen strekte det seg eit belte med festningskloster, der Aleksander-Svirskij-klosteret var det viktigaste.

På 1700-talet endra Olonets fokus frå handel til jernindustri. I 1773 vart byen hovudstad i Olonets gubernija. Elleve år seinare vart den regionale hovudstaden flytta til Petrozavodsk og Olonets vart mindre viktig.

Dagens Olonets er rekna som ein av dei historiske byane i Karelia og det er den einaste byen i republikken der karelar er i fleirtal (over 60 % per 2004). I 1999 feira byen 350-års jubileum.

Bakgrunnsstoff

Commons har multimedium som gjeld: Olonets

• Offisiell nettstad