Pattern 1914 Enfield
Arabat eo droukveskañ gant Lee-Enfield.| Pattern 1914 Enfield M1917 Enfield | |
|---|---|
 Ur fuzuilh Pattern 1914 Enfield kinniget e mirdi an arme e Stockholm (Sveden) | |
| Kinnig | |
| Bro | .svg?lang=br){kind=small} Rouantelezh-Unanet Stadoù-Unanet Amerika
|
| Doare | Fuzuilh |
| Mont en-dro | Tennata dre zorn, dre vorailh |
| Munision | .303 British .30-06 Springfield (stumm SUA) 7 × 57 mm Mauser (stumm Remington 1934) 7,92 × 57 mm Mauser (stummoù kemmet en Europa da vare brezel Spagn) |
| Produerien | Winchester Repeating Arms Company Remington Eddystone Arsenal |
| Mare produiñ | 1915-1917 (Pattern 1914) 1917-1919 (M1917) |
| Pouez ha muzulioù | |
| Mas | 4,250 kg |
| Hirder | 1.175 mm |
| Hirder ar c'hanol | 660 mm |
| Perzhioù all | |
| Hed-tenn efedus | 730 m |
| Tizh mont e-maez ar boledoù | 725 m/s |
| Endalc'h | Karger diabarzh 5 kartouchenn karget gant ul laonenn-gargañ (6 kartouchenn e .30-06 Springfield) |
| Lezenn | |
| Rummad e Bro-C'hall | C |
Ar Pattern 1914 Enfield zo ur fuzuilh-vorailh breizhveurat implijet a-nebeudoù gant ar British Army, ha gant arme ar Stadoù-Unanet dindan an anv M1917 Enfield, e-pad ar Brezel-bed Kentañ dreistholl.
Istor
[kemmañ | kemmañ ar vammenn]Un nebeud bloavezhioù a-raok ar Brezel-bed Kentañ e soñje da bennoù zo e arme ar Rouantelezh-Unanet ne oa ket efedus ar fuzuilhoù Lee-Enfield SMLE. Ur fuzuilh-vorailh, diazezet he gwikefre war reoù Mauser, a voe savet hag anvet P13 (evit Pattern 1913). Kambret e oa evit ur munision nevez ha galloudusoc'h, an .276 Enfield, a oa sañset kemer plas an .303 British[1]. E deroù ar brezel e vankas buan armoù-skoaz d'ar vro : divizet e voe adkambriñ ar P13 e .303 British, ha lakaat ober anezhi er Stadoù-Unanet dindan an anv Pattern 1914, pe P14. Adalek 1915 ha betek 1917 e voe produet eno gant Winchester, Remington hag arsanailh Eddystone, ur rann eus Remington[2]. Ar stumm-mañ a voe implijet war an talbenn, lod anezhe en ur stumm fuzuilh-resisted gant ul lunedenn. Herbert W. McBride, ur soudard kanadian hag a rae gant ur Pattern 1914 Enfield, a voe e-touez ar re gentañ o skrivañ ul levr diwar-benn an taktikoù ijinet pe gwellaet gant ar sniperien da vare ar Brezel-bed Kentañ[3].
Stumm M1917 Enfield
[kemmañ | kemmañ ar vammenn]Pa erruas ar Stadoù-Unanet er brezel e 1917 en em gavjont gant ar memes kudenn, pa oa re izel an niver a fuzuilhoù Springfield M1903 gante. Divizet e voe neuze lakaat an tri embregerezh da broduiñ ur stumm eus ar Pattern 1914 anvet M1917 Enfield, dezhañ ar c'halibr .30-06 Springfield hag un nebeud kemmoù[2].
Goude ar Brezel-bed Kentañ
[kemmañ | kemmañ ar vammenn]Padout a reas implij ar fuzuilh betek kreiz an XXvet kantved, evel da vare Brezel Spagn, hag en Eil Brezel-bed, etre daouarn an Home Guard pe ar Forces Françaises Libres da skouer. Ur stumm e 7,92 × 57 mm Mauser a voe produet gant Remington e 1934.
-
Soudarded Batailhon Partizaned Sakala (hiziv-an-deiz Eil Brigadenn Troadegiezh Estonia) gant fuzuilhoù Pattern 1914, war-dro 1939-1940 -
Izili an Home Guard o vezañ stummet war implij an arm -
Ur soudard saoz o pleustriñ gant ur stumm sniper eus ar P14 (27 a viz Gouere 1944, Normandi)
Levrlennadur
[kemmañ | kemmañ ar vammenn]- (en) Bruce N. CANFIELD, The U.S. Model 1917 Rifle, Andrew Mowbray Publishing Inc., 2024, 300 p., ISBN 9781931464925
Daveennoù
[kemmañ | kemmañ ar vammenn]- ↑ (fr) HOUSTON Rob, STROYAN Christine (renerezh), Armes à feu de légende, Larousse, 2019, p. 155
- ↑ 2,0 ha2,1 (en) POPENKER Maxim, P14 (Pattern 14) / M1917 Rifle (lennet d'ar 24/02/2025)
- ↑ (en) McBRIDE Herbert W., A Rifleman Went to War, 2015, 314 p., ISBN 978-1517731823
| ||||||||||||||||||||||||||
.svg?lang=br){kind=small}
.svg?lang=br){kind=small}
