| |||
.png?lang=gl) | |||
| Tipo | rede social, Microblog, plataforma de contido xerado polo usuario, comunidade en liña e plataforma en liña moi grande  | ||
| Historia | timeline of Twitter/X (en)  | ||
| Persoas e organizacións | |||
| Propietario/a | X Corp., Odeo (en) , Obvious Corporation (en) e Twitter, Inc. | ||
| Fundador/a | Jack Dorsey, Noah Glass (pt) , Biz Stone (pt) e Evan Williams | ||
| Creador/a | Jack Dorsey | ||
| Operador/a | X Corp. e Twitter, Inc. | ||
| Desenvolvedor | X Corp. e Twitter, Inc. | ||
| Actividade | |||
| Industria | Internet | ||
| Data | |||
| Fundación | 21 de marzo de 2006 e 24 de xullo de 2023 | ||
| Acontecementos | |||
| xullo de 2023 - maio de 2024 : rebranding (en) outubro de 2022 : Aquisição do Twitter por Elon Musk (pt) 2022 : restrição de acesso (pt) xullo de 2006 : lanzamento marzo de 2006 : fundación | |||
| Localización | |||
| País | Estados Unidos de América | ||
| Sede | San Francisco | ||
| Ligazóns | |||
| Páxina WEB | x.com | ||
| Redes |        | ||
| [ Wikidata ] [ C:Commons ] | |||
Twitter é unha rede social de balde que ofrece un servizo de microblogging, con sede en San Francisco, California, con filiais en San Antonio (Texas) e Boston (Massachusetts) nos Estados Unidos. Twitter, Inc. foi creado orixinalmente en California, mais está baixo a xurisdición de Delaware dende o 2007[1]. Dende que Jack Dorsey creou Twitter en marzo de 2006, lanzado en xullo do mesmo ano, a rede gañou popularidade mundial; estímase que ten máis de 500 millóns de usuarios, xerando 65 millóns de chíos ao día e manexa máis de 800 000 peticións de buscas diarias. Foi denominado como o «SMS de Internet».[2]
A rede permite enviar mensaxes de texto plano de curta lonxitude, cun máximo de 280 caracteres[3] (orixinalmente 140), chamados chíos ou tweets, que se mostran na páxina principal do usuario. Os usuarios poden suscribirse aos chíos doutros usuarios – a isto chámaselle "seguir" e aos usuarios abonados chámaselle seguidores[4], followers e ás veces tweeps[5] (Twitter + peeps, seguidores novatos que aínda non publicaron moitos chíos). Por defecto, as mensaxes son públicas, podendo difundirse privadamente mostrándoas unicamente a uns seguidores determinados. Os usuarios poden chiar dende a web do servizo, con aplicacións oficiais externas (como para teléfonos intelixentes), ou mediante o Servizo de mensaxes curtas (SMS) dispoñible en certos países[6]. Agora ben se o servizo é de balde, acceder a el vía SMS comporta soportar tarifas fixadas polo provedor de telefonía móbil.
Na actualidade Twitter factura máis de 2500 millóns de dólares anuais e teñen un valor na bolsa superior aos 10 000 millóns de dólares.
Historia
[editar | editar a fonte]Twitter creouse no ano 2006, en San Francisco, California. Os seus fundadores foron Jack Dorsey, Noah Glass, Biz Stone e Evan Williams.[7] Na actualidade conta con personalidades como Barack Obama, Paulo Coelho e unha ampla variedade de políticos, artistas, deportistas etc.[8] Ademais tamén están presentes os principais medios de comunicación mundiais.
Durante algún tempo, o actor británico Stephen Fry foi o usuario máis seguido en Twitter, tal e como informou o xornal The Times[9], aínda que o primeiro en chegar ó millón de seguidores foi o actor estadounidense Ashton Kutcher, seguido de preto pola CNN[10]. Twitter é, ademais, empregado como medio divulgativo: ademais dos medios de comunicación, institucións e entidades educativas, tamén se realizan outras accións divulgativas como son, por exemplo, a conta de usuario de George Orwell (que emprega como base para as actualizacións o seu diario)[11], a publicación en chíos da novela Rayuela de Julio Cortázar[12] ou a retransmisión minuto a minuto da revolución dos caraveis de 1974[13].
No 25 de abril de 2022, Elon Musk, un dos homes máis ricos do mundo; mercou a empresa por 44 miles de millóns de dólares e converteuse no propietario[14].
Twitter en galego
[editar | editar a fonte]O 7 de maio de 2011 naceu a Iniciativa Twitter en galego da man de Carlos García Vieito, co fin de conseguir traducir a rede social á lingua galega, ao mesmo tempo que promocionar o galego entre os seus usuarios. Despois dun ano de traballo e difusión, a Iniciativa @chio_en_galego[15] contou con grande apoio social, como conseguir crear a primeira tendencia en galego a nivel global como foi #EuNaCidadeDaCultura. O 20 de setembro de 2012, o Centro de Tradución de Twitter permitiu aos voluntarios poder traducir as cadeas da rede social. Cinco meses máis tarde, o 20 de febreiro do 2013, Twitter xa dispuxo do galego entre as súas linguas. A Iniciativa está a traballar na versión móbil.[16]
En 2021 gañou o XII Premio Rosalía de Castro de Lingua da Deputación da Coruña.[17]
Terminoloxía en galego
[editar | editar a fonte]| Termo orixinal | Termo en galego |
|---|---|
| Follow | Seguir |
| Follower | Seguidor/a |
| Following | Seguindo |
| Tweet | Chío |
| Retweet | Rechouchío |
| Hashtag | Cancelo |
| Direct messages | Mensaxes directas |
| Trending Topic | Tema do momento |
Notas
[editar | editar a fonte]- ↑ "Business Search - Business Entities - Business Programs". 2010-04-02. Archived from the original on 02 de abril de 2010. Consultado o 2018-11-13.
- ↑ D'Monte, Leslie (2009-04-29). "Swine flu's tweet tweet causes online flutter". Business Standard India. Consultado o 2018-11-13.
- ↑ Cano, Rosa Jiménez (2017-11-08). "Twitter aumenta el límite a 280 caracteres para todos los usuarios". El País (en castelán). ISSN 1134-6582. Consultado o 2018-11-13.
- ↑ "There's a List for That" (en inglés). Consultado o 2018-11-13.
- ↑ "The tricky business of business tweeting". The Irish Times (en inglés). Consultado o 2018-11-13.
- ↑ "Twitter Support : How To Find Your Twitter Short/Long Code". 2010-03-15. Arquivado dende o orixinal o 15 de marzo de 2010. Consultado o 2018-11-13.
- ↑ Carol Tice (14-9-2017). "Jack Dorsey, Noah Glass, Biz Stone, Evan Williams: Twitter". Startups.co.uk (en inglés). Arquivado dende o orixinal o 14-01-2018. Consultado o 11-2-2018.
- ↑ Políticos e actores contan a súa vida en Twitter, Vieiros.
- ↑ The 50 most popular celebs on Twitter Arquivado 14 de maio de 2009 en Wayback Machine., Times Online (en inglés).
- ↑ Ashton Kutcher supera o millón de seguidores en Twitter, Código Cero.
- ↑ Twitter de George Orwell, baseado no seu diario.
- ↑ Rayuela en Twitter.
- ↑ O 25 de abril vivirase en "directo" no Twitter, Vieiros.
- ↑ "Musk merca Twitter por 44.000 millóns de dólares". G24. Consultado o 2022-04-28.
- ↑ @chio_en_galego
- ↑ A falta de tradutor@s pon en perigo o Twitter en galego Arquivado 04 de maio de 2014 en Wayback Machine., Sermos Galiza.
- ↑ Diario, Nós. "Xaquín Marín, Agrupación Ío e Twitter en galego gañan os Rosalía de Lingua". Nós Diario. Consultado o 2021-06-15.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- twitter.com
- Galipedia no Twitter
