Tonelada

Tonelada
Instancia de	unidade de masa, unidade aceptada polo SI, unidade derivada UCUM e unidade non incluída no SI pero mencionada e aceptada
Subclase de	milhar (pt)
Semellante a	megagram (en)
Magnitude física	masa
Conversión a SI	1.000 kg
Conversión a unidade estándar	1.000 kg, 2.204,623 lb, 35.273,96 ℥, 157,473 st, 1.000.000 g, 5.000.000 ct, 1.000.000.000 mg, 1.000.000.000.000 μg, 0,9842065 UK t, 1,102311 tn. sh., 22,04623 cwt, 19,68413 cwt, 2.679,229 t lb, 32.150,75 oz t, 643.014,9 dwt e 15.432.360 gr
Descrito pola fonte  Enciclopedia de Otto  Meyers Konversations-Lexikon, 4ª edición (1885–1890)
Composto por  quilogramo
[ Wikidata ] [ C:Commons ]

En verde, países que adoptaron o Sistema Internacional de Unidades (SI) e usan a tonelada como unidade de masa. Os Estados Unidos en vermello, é o único país do mundo (ademais de algúns territorios soberanos non incorporados ou dependentes como Palau, Illas Marshall, Micronesia e a Samoa Americana) onde é oficial o Sistema Anglosaxón de Unidades e o único onde é oficial a tonelada curta. En amarelo, países en proceso de adherirse ao SI (Myanmar e Liberia). Noutros terrirorios como o Estado asociado de Porto Rico, e nos Estados do Canadá, Belize e Reino Unido existen as toneladas curtas e longas ademais da tonelada métrica, pero só é oficial o SI.

A tonelada (t) ou megagramo (Mg) é unha unidade de masa do sistema métrico decimal e do Sistema Internacional de Unidades. O seu nome deriva de tonel, que provén do diminutivo do francés antigo tonne, tonel grande.

Sistema internacional

A tonelada métrica é o terceiro múltiplo do quilogramo e o sexto do gramo. Tamén se chama megagramo.

1 t = 1.000 kg = 10³ kg

1 t = 1.000.000 g = 10⁶ g

Múltiplos e submúltiplos

Múltiplo	Nome	Símbolo		Múltiplo	Nome	Símbolo
100	gramo	g
101	decagramo	dag		10−1	decigramo	dg
102	hectogramo	hg		10−2	centigramo	cg
103	quilogramo	kg		10−3	miligramo	mg
106	tonelada/megagramo	t/Mg		10−6	microgramo	µg
109	xigagramo	Gg		10−9	nanogramo	ng
1012	teragramo	Tg		10−12	picogramo	pg
1015	petagramo	Pg		10−15	femtogramo	fg
1018	exagramo	Eg		10−18	attogramo	ag
1021	zettagramo	Zg		10−21	zeptogramo	zg
1024	yottagramo	Yg		10−24	yoctogramo	yg

Outras toneladas

Na náutica española, a tonelada era unha medida de capacidade igual a oito cóbados de ribeira cúbicos; é dicir, 0,1891 m³, ou 189,11 L.

Tamén se empregaba a tonelada de arqueo (ou tonelada Moorsom), para medir a cabida dunha embarcación, e que equivalía a 2,83 m³.

En países anglosaxóns usáronse historicamente dúas medidas alternativas de tonelada, chamadas short ton ou tonelada curta e long ton ou tonelada longa. Nos Estados Unidos úsase oficialmente a tonelada curta e noutros territorios como o Reino Unido, Belize ou no Canadá empréganse ás veces ambas medidas, pero só é oficial o Sistema Internacional de Unidades.

Véxase tamén

• Sistema Anglosaxón de Unidades
• Sistema Internacional de Unidades
• Sistema métrico decimal