Bulma
| Bulma | |
|---|---|
 | |
| Tipo | personaxe humano de ficción, personaxe de anime, personaxe de manga e personaxe cinematográfico  |
| Obra | |
| Universo ficticio | universo de Dragon Ball |
| Franquía | Dragon Ball |
| Creador/a | Akira Toriyama |
| Interpretado por | Emmy Rossum |
| Actor/a de dobraxe | Hiromi Tsuru, Aya Hisakawa (pt)  e Ana Pallejà |
| Biografía | |
| Sexo | muller |
| Cor do pelo | cabelo púrpura e cabelo ciano |
| Cor dos ollos | ciano e azul |
| Actividade | |
| Ocupación | aviador, inventor e mecánico |
| Residencia | Kame House |
Membro de
| |
| Familia | |
| Nai | Bikini (en) |
| Pai | Dr. Brief (en) |
| Cónxuxe | Vexeta |
| Parella | Yamcha |
| Irmá/n | Tights (en) |
| Fillo/a | Toranks do futuro, Toranks e Bra |
| [ Wikidata ] [ C:Commons ] | |
Bulma (ブルマ Buruma?) é un personaxe da serie de manga e anime Dragon Ball. É unha rapaza que inicia a busca das Bólas do Dragón no primeiro capítulo da serie xa que desexa atopar un mozo. O seu nome provén dunha deformación do inglés Bloomers (ブルマー burūmā?, braga). É a representación do personaxe Xuanzang da lenda chinesa Viaxe ó Oeste.
Ana Lemos ponlle voz na dobraxe galega da serie.
Características
[editar | editar a fonte]Bulma é o primeiro personaxe de Dragon Ball co que ten contacto Son Goku na súa procura das sete Bólas do Dragón para pedir un desexo. A súa aparencia é a dunha rapaza con cabelo celeste (cor lila no manga), que ó comezo da serie ten 16 anos, é filla do Doutor Brief, un científico de sona mundial fundador da Capsule Corporation e creador das famosas cápsulas Hoi-Poi. Vai na procura das bólas do dragón provista de todo tipo de vehículos e aparellos tecnolóxicos sumamente útiles. Aínda que carece de habilidade para a loita, a súa intelixencia é moi superior a dun ser humano normal, sendo ela a creadora de moitos inventos, como por exemplo o Radar que indica con precisión, a localización das bólas do dragón.
