DXWT

Wild FM Davao (DXWT)

Wild FM Davao logo
Pamayanan ng lisensya	Lungsod ng Davao
Lugar na pinagsisilbihan	Kalakhang Dabaw at mga karatig na lugar
Frequency	92.3 MHz (dinig din sa HD Radio)
Tatak	92.3 Wild FM
Palatuntunan
Wika	Cebuano, Filipino, English
Format	Contemporary MOR, Dance, OPM
Network	Wild FM
Pagmamay-ari
May-ari	UM Broadcasting Network
Sister station	DXUM, Retro 95.5
Kaysaysayn
Unang pag-ere	1949 (sa AM) Hulyo 1988 (1988-07) (sa FM)
Dating call sign	DXMC (1949–1988)
Dating pangalan	92.3 WT
Dating frequency	740 kHz (1949–1978) 819 kHz (1978–1988)
Kahulagan ng call sign	Wild Thing (old solgan) Willie Torres
Impormasyong teknikal
Awtoridad na naglisensiya	NTC
Class	C, D, E
Power	10,000 watts
Link
Webcast	Listen Live via AMFMPH

Ang DXWT (92.3 FM), sumasahimpapawid bilang 92.3 Wild FM, ay isang himpilan ng radyo na pagmamay-ari at pinamamahalaan ng UM Broadcasting Network. Ito ay nagsisilbing punong himpilan ng Wild FM. Ang estudyo nito ay matatagpuan sa UMBN Media Center, C. Bangoy cor. Palma Gil St., Lungsod ng Davao, at ang transmiter nito ay matatagpuan sa kahabaan ng Broadcast Ave., Shrine Hills, Matina, Lungsod ng Davao.

Kasaysayan

1949–1988: DXMC

Itinatag ang himpilang ito ni Atty. Guillermo Torres noong 1949 bilang DXMC. Ang kauna-unahang himpilan sa lungsod at sa buong Mindanao, umere ito ng halong balita at musika.

Noong Setyembre 21, 1972, nawala ito sa ere nung naideklara ni Pangulong Ferdinand Marcos ang Batas Militar. Pero, bumalik ito sa ere makalipas ng ilang araw.

Noong Nobyembre 1978, lumipat ang talapihitang ito mula sa 740 kHz sa 819 kHz.

1988–kasalukuyan: DXWT

Noong Hulyo 1988, lumipat ang DXMC sa FM frequency sa ilalim ng call letters na DXWT at muli ito inilunsad bilang 92.3 WT. Ito ang magiging bunga ng Wild FM noong dekada 90.

Umere ito ng Top 40 na format na may kasamang dance music. Nagpapatugtog ito ng mga dance remixes at EPs (Extended Play), na karaniwang pinapatugtog lamang sa mga Disco Club. Binago ng Wild FM ang radio programming sa pamamagitan ng paglalagay ng mga ito sa loob ng 20 minutong walang tigil na bahagi sa ere. Binago rin ng Wild FM ang mga promosyon at kaganapan sa radyo sa pamamagitan ng pag-aayos ng Street Discos at Disco sa mga Barangay. Wala pang isang taon, ito ay naging pinakapinakikinggang na himpilan sa lungsod.

Noong unang bahagi ng 2000s, dahan-dahang naging pang-masa ang format nito. Noong 2009, naging Wild 92.3 WT ito. Noong 2010, ito ang naging unang himpilan sa Mindanao na sumasahimpapawid sa pamamagitan ng HD Radio.

Noong Hulyo 2018, bilang bahagi ng kanilang ika-30 anibersaryo, naging Wild FM muli ito.